Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Linɔ́ngi ya Mosɛnzɛli  |  Sanza ya Mai 2015

 ELOBELI TITRE YA EZIPELI | NSUKA YA MOKILI EKÓMI PENE?

Bato mingi bakobika na nsuka ya mokili​—Yo mpe okoki kobika

Bato mingi bakobika na nsuka ya mokili​—Yo mpe okoki kobika

Biblia emonisi biso ete nsuka ya mokili elimboli nde kobebisa: “Ekozala na bolɔzi moko monene oyo esalemá naino te banda mokili ebandá tii sikoyo . . . Kutu, soki mikolo yango eyeisamaka mokuse te, mbɛlɛ ata moto moko abiki te.” (Matai 24:21, 22) Kasi Nzambe alaki ete bato mingi bakobika: “Mokili ezali koleka . . . , kasi moto oyo azali kosala mokano ya Nzambe azali kotikala libela na libela.”​—1 Yoane 2:17.

Soki olingi obika mpe ‘otikala libela na libela’ ntango mokili oyo ekoleka, osengeli kosala nini? Osengeli nde kobomba ebele ya biloko to kotonga esika moko boye mpo na komibomba? Te. Biblia elendisi biso tóyeba makambo nini tosengeli kotya na esika ya liboso. Elobi boye: “Lokola biloko nyonso wana esengeli kosilela bongo, bókanisa lolenge ya bato oyo bosengeli kozala. Bosengeli kozala bato ya etamboli ya bosantu mpe kosala misala oyo ezali komonisa ete bokangami na Nzambe, bózela mpe bóbatelaka na makanisi na bino kozala ya mokolo ya Yehova.” (2 Petro 3:10-12) Makambo oyo ezali na bavɛrsɛ yango emonisi ete “biloko nyonso wana” oyo ekosilela esangisi baguvɛrnema ya mokili oyo mabe mpe baoyo nyonso bapesaka baguvɛrnema yango mabɔkɔ na esika ya kopona Bokonzi ya Nzambe. Ezali polele ete kobomba ebele ya biloko ekobikisa biso te na mokolo yango.

Kasi, lobiko na biso etaleli komipesa na Yehova Nzambe mpe koluka koyeba bizaleli mpe misala oyo esepelisaka ye. (Sefania 2:3) Na esika ya kolanda makanisi ya bato ebele ya mikolo oyo mpe koboya kondima makambo oyo ezali komonisa ete nsuka ekómi pene, tosengeli nde ‘kobatela na makanisi na biso kozala ya mokolo ya Yehova.’ Batatoli ya Yehova bakoki kolakisa yo na Biblia oyo okoki kosala mpo obika na mikolo ezali koya.

Makambo mosusu

NSANGO MALAMU OYO EUTI NA NZAMBE!

Nsango malamu ezali nini?

Luká koyeba nsango oyo euti na Nzambe, mpo na nini bato basengeli koyoka yango sikoyo, mpe oyo osengeli kosala.

BIYANO NA MITUNA YA BIBLIA

Nini ekoki kosalisa yo oyeba Biblia?

Ata soki ozali moto ya ekólo nini, okoki koyeba nsango ya Nzambe oyo ezali na Makomami Mosantu.