Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Linɔ́ngi ya Mosɛnzɛli  |  Sanza ya Décembre 2014

 ELOBELI TITRE YA EZIPELI | OKOKI KOPUSANA PENEPENE NA NZAMBE

Yango nde lolenge ya bomoi oyo eleki malamu

Yango nde lolenge ya bomoi oyo eleki malamu

Okoki kosala nini mpo opusana penepene na Nzambe? Touti kotalela mwa makambo oyo okoki kosala mpo okóma mpenza moninga na ye:

  1. Koyeba nkombo ya Nzambe, Yehova mpe kosalela yango.

  2. Kosolola na ye mbala na mbala na libondeli mpe koyekola Liloba na ye Biblia.

  3. Kokoba kosala makambo oyo esepelisaka Yehova.

Saleláká nkombo ya Nzambe, bondeláká ye, yekoláká Liloba na ye mpe saláká makambo oyo esepelisaka ye mpo opusana penepene na ye

Na kotalela makambo oyo, okoki mpenza koloba ete osalaka makambo oyo esɛngami mpo na kopusana penepene na Nzambe? Ezali na makambo oyo omoni ete osengeli kobongisa? Na ntembe te, yango ezali kosɛnga milende, kasi talelá matomba oyo yango ekobimisa.

Jennifer oyo afandaka na États-Unis, alobi boye: “Milende nyonso oyo moto asalaka mpo na kokóma moninga ya Nzambe ezali na ntina. Boninga yango ememelaka moto mapamboli mingi: Okotyela lisusu Nzambe konfianse, okoyeba malamumalamu bizaleli na ye, kasi oyo eleki nyonso, okolinga ye mingi lisusu. Yango nde lolenge ya bomoi oyo eleki malamu!”

Soki okolinga kokóma moninga ya Nzambe, Batatoli ya Yehova bakosepela kosalisa yo. Bakoki koya koyekola na yo Biblia ofele. Okoki mpe kokende na makita na bango na Ndako ya Bokonzi oyo ezali pene na esika ofandi, kuna okokuta bato oyo bazwaka boninga na bango na Nzambe na valɛrɛ mingi. * Soki osali bongo, yo mpe okomiyoka lokola mokomi moko ya Nzembo oyo alobaki boye: “Mpo na ngai, kobɛlɛma na Nzambe ezali malamu.”Nzembo 73:28.

^ par. 9 Mpo na kosɛnga boyekoli ya Biblia to koyeba Ndako ya Bokonzi oyo ezali pene na esika ofandi, sololá na moto oyo amemeli yo zulunalo oyo to kɔtá na site na biso www.jw.org mpe talá na nse esika bakomi KOMELÁ BISO.

Makambo mosusu

MITUNA OYO BATO BATUNAKA MINGI

Koyekola Biblia elimboli nini?

Talá biyano na mituna oyo etali boyekoli ya Biblia oyo tosalaka na bato ofele.

MAKITA

Makambo esalemaka ndenge nini na Ndako ya Bokonzi?

Kɔtá na kati mpo yo moko omona.