Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Linɔ́ngi ya Mosɛnzɛli  |  Sanza ya Juin 2014

Biyano na mituna ya Biblia

Biyano na mituna ya Biblia

Mabele ekelamaki mpo na nini?

Mabele ekelamaki mpo ezala esika ya malamu mpo na bato

Mabele ezali esika oyo ebongi mpenza mpo na bikelamu ya bomoi. Ezali na mai mingi, oyo ezali na ntina mpo na bomoi. Ndenge oyo mabele etɛngamá mpe ebalukaka esalaka ete bibale ekóma glasi to mɔtɔ makasi te. Etando oyo ezingi mabele (atmosphère) mpe nguya oyo ebatelaka mabele (champ magnétique) esalaka ete mɔtɔ ya mabe oyo moi ebimisaka ebebisa yango te. Ndenge banzete mpe banyama esalaka na boyokani ekamwisaka mpenza. Na yango, bato mingi bamoni ete mabele ekelamaki mpamba te.Tángá Yisaya 45:18.

Kasi okoki komituna boye: ‘Bampasi mpe kozanga bosembo ezali mpe na kati ya mokano ya Nzambe?’Tángá Kolimbola Mibeko 32:4, 5.

Mokano ya Mozalisi mpo na mabele ekokokisama?

Mabele ekelamaki mpo ezala esika moko malamu mpo na bato oyo bapesanaka limemya mpe balingaka Mozalisi na bango. Na yango, bomoi ya bato ezali na ntina mingi koleka oyo ya banzete to banyama. Biso bato tokoki koyeba soki Mozalisi azali nani mpe kosepela na bolingo mpe bosembo ya Nzambe mpe komekola ye.Tángá Mosakoli 12:13; Mika 6:8.

Mozalisi na biso akoki kosala makambo nyonso oyo akani. Na yango, tosengeli kondima ete akosilisa bampasi mpe kozanga bosembo mpe akosala ete mabele ekóma mpenza esika ya malamu mpo na bato.Tángá Nzembo 37:11, 29; Yisaya 55:11.

 

Makambo mosusu

BIYANO NA MITUNA YA BIBLIA

Nzambe azali?

Biblia epesi biyano na mituna mitano oyo emonisi ete Nzambe azali.

Biblia eteyaka mpenza nini?

Mokano ya Nzambe mpo na mabelé ezali nini?