Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Linɔ́ngi ya Mosɛnzɛli  |  Sanza ya Avril 2014

 ELOBELI TITRE YA EZIPELI | OSENGELI KOBONDELAKA?

Mpo na nini bato babondelaka?

Mpo na nini bato babondelaka?

Obondelaka mbala na mbala? Bato mingi babondelaka, ata mpe baoyo bandimaka te ete Nzambe azalaka. Kasi mpo na nini bato babondelaka? Ankɛtɛ moko oyo esalemaki na France emonisi ete bato mingi ya ekólo yango (1/2) babondelaka mpe bamanyolaka na bantango mosusu “kaka mpo bámiyoka malamu.” Ndenge moko na bato mingi ya Mpoto, bato yango ya France babondelaka te mpo na kosambela Nzambe. Kutu, basalaka yango mpo “libondeli ekitisaka motema.” Na ngámbo mosusu, bandimi mosusu babondelaka Nzambe kaka ntango bazali na mposa ya eloko, mpe balingaka ete ayanola mabondeli na bango nokinoki.Yisaya 26:16.

Bongo yo? Okanisaka ete libondeli ezali kaka mpo na kosalisa moto akanisa malamu? Soki ondimelaka Nzambe, omonaka ete libondeli esalisaka yo? To omonaka lokola ete Nzambe ayanolaka te na mabondeli na yo? Biblia ekoki kosalisa yo omona ete libondeli ezali kaka te mpo na kosalisa yo omiyoka malamu, kasi ezali nde lolenge moko ya malamu mpo na kosalisa yo opusana penepene na Nzambe.