Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Linɔ́ngi ya Mosɛnzɛli  |  No 4 2017

Tetragrami, balɛtrɛ minei ya Ebre oyo emonisi nkombo ya Nzambe, Yehova, etángamaka kobanda na lobɔkɔ ya mobali tii na lobɔkɔ ya mwasi

Lɛtrɛ oyo eleki moke na alfabɛ ya Ebre ezali kokitisa biso mitema

Lɛtrɛ oyo eleki moke na alfabɛ ya Ebre ezali kokitisa biso mitema

Tokoki mpenza kondima ete makambo nyonso oyo Nzambe alaki ekokokisama? Yesu azalaki kondima yango, mpe mateya na ye esalisaki bato oyo bazalaki koyoka ye bákóma na kondima. Tótalela ndakisa oyo apesaki na lisolo na ye likoló ya ngomba, ndenge ezali na Matai 5:18: “Ya solo mpenza nalobi na bino ete likoló ná mabele ekoki koleka kasi ata ‘i’ to mwa eteni ya ‘i’ ya Mibeko ekoleka te soki makambo nyonso esalemi te.”

Lɛtrɛ oyo eleki moke na alfabɛ ya Ebre ezali י (yod), oyo ezali lɛtrɛ ya liboso ya Tetragrami, oyo emonisi nkombo ya Nzambe, Yehova. * Longolá maloba mpe balɛtrɛ oyo ezalaki mpenza na Mibeko ya Nzambe, Bakomeli mpe Bafarisai bazalaki kotalela “mwa eteni ya ‘i’” nyonso ya mobeko ete ezali na ntina mingi.

Yesu alingaki koloba ete likoló ná mabele ekoki koleka, kasi ata makambo ya mikemike oyo Mibeko elobeli ekozanga te kokokisama. Kasi, Biblia emonisi ete likoló ná mabele ekoumela libela na libela. (Nzembo 78:69) Na yango, maloba wana ya ntina mingi emonisi ete ata makambo ya mikemike oyo Mibeko elobeli ekokokisama.

Yehova Nzambe alandelaka mpe makambo ya mikemike? Ɛɛ, alandelaka yango. Tótalela ndakisa oyo: Na ntango ya kala, ayebisaki Bayisraele ete basengelaki te kobuka ata mokuwa moko ya mwana-mpate ya Elekeli. (Kobima 12:46) Yango ekoki komonana lokola likambo ya moke. Bayisraele bayebaki ntina oyo Nzambe apekisaki bango kobuka ata mokuwa moko? Mbala mosusu bayebaki te. Kasi, Yehova Nzambe ayebaki ete likambo wana ya moke ezalaki esakweli oyo ezalaki komonisa ete ata mokuwa moko te ya Masiya ekobukana ntango bakoboma ye likoló ya nzete ya mpasi.​—Nzembo 34:20; Yoane 19:31-33, 36.

Maloba ya Yesu eteyi biso nini? Biso mpe, tosengeli kondima ete makambo nyonso oyo Yehova Nzambe alaki ekokokisama, ata na makambo ya mikemike. Ya solo, lɛtrɛ wana oyo eleki moke na alfabɛ ya Ebre ezali mpenza kokitisa biso mitema!

^ par. 3 Lɛtrɛ oyo eleki moke na alfabɛ ya Grɛki ezali iota mpe emonani ete ekokani na י (yod) lɛtrɛ oyo eleki moke na alfabɛ ya Ebre. Lokola na ebandeli Mibeko ya Moize ekomamaki mpe epesamaki na Ebre, na ntembe te, Yesu azalaki kolobela lɛtrɛ ya Ebre.