Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Lamuká!  |  Sanza ya Octobre 2015

 MAKAMBO OYO EZALI KOLEKA NA MOKILI

Makambo etali libota

Makambo etali libota

Mabota ezali kokutana na mikakatano mingi, kasi batoli ya Biblia oyo esilaka ngala te ekoki kosalisa mabota elonga mpe ekende liboso.

Afrika

Lapolo moko ya OMS emonisi ete bamama basengeli kobanda komɛlisa bana mabɛlɛ ngonga moko nsima ya kobotama mpe basengeli kokoba kosala bongo sanza motoba mobimba. Atako esɛngi bongo, moto moko ya UNICEF oyo apesaka toli ya makambo ya kolya na ɛsti mpe sudi ya Afrika alobaki ete bapiblisite ya lokuta ezali kokoba komonisa ete “miliki ya babebe ekokani na mabɛlɛ ya mama.”

OYO BIBLIA ELOBI: “Moto nyonso oyo azangi mayele andimaka liloba nyonso, kasi moto ya ekɛngɛ atyaka likebi na matambe na ye.”​—Masese 14:15.

Canada

Bato ya mayele na Montréal balobaki ete bana oyo baboti na bango bakweiselaka bango mitindo; oyo batyelaka bana mibeko makasimakasi kasi bamoniselaka bango bolingo mingi te, mingi ya bana yango (30%) bazalaka na likama ya kokóma monene mingi koleka bana oyo baboti na bango balekisaka ndelo te ntango bazali kopesa bango disiplini mpe komonisela bango bolingo.

OYEBAKI YANGO? Biblia elobelá banda kala lolenge malamu ya kobɔkɔla bana.​—Bakolose 3:21.

Pays-Bas

Ankɛtɛ oyo esalemaki na mabota ya bato ya Pays-Bas oyo baboti nyonso mibale basalaka emonisaki ete baboti oyo batikaka te ete mosala epekisa bango kokokisa mokumba na bango ya moboti, bayokanaka malamu ná bana na bango koleka baboti oyo batikaka mosala epekisa bango kokokisa mikumba ya libota. Na ndakisa, nsima ya kozonga na ndako ntango mosala esili, soki baboti bazali kokoba kosolola makambo ya mosala na telefone, yango ekoki kosala ete bátyela te bana na bango likebi oyo bazali na yango mposa.

KOBOSANA LIKAMBO OYO TE: “Eloko nyonso ezali na ntango na yango.”​—Mosakoli 3:1.

Makambo mosusu

BABUKU MPE MWA BABUKU

Okoki kozala na libota ya esengo

Okoki kofanda malamu na libala mpe kozala na libota ya esengo soki ozali kosalela batoli ya Biblia.