Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Lamuká!  |  Sanza ya Février 2015

Bwanya oyo ebatelaka

Bwanya oyo ebatelaka

“Tango mosusu moto ya bomengo asengeli kosalela bomengo na ye po na komilongola na pasi; kasi moto akelelá batungisaka ye té.”​—MASESE 13:8, Bible na lingala ya lelo oyo.

ATAKO bozwi ekoki komemela moto mwa matomba, kasi ekoki komemela ye mpe mikakatano, mingimingi na bantango oyo ya mpasi. (2 Timote 3:1-5) Na bikólo mosusu, miyibi mpe babandi oyo bakangaka bato mpo bápesa bango mbongo liboso batika bato yango, batyaka miso na bango mingimingi na bato ya bozwi mpe baturiste oyo bamonanaka lokola bazwi.

Mpo na ekólo moko ya bobola, lapolo moko elobi boye: “Kobɔtɔla na makasi, kobuba bato mpe kokanga bato mpo na kozwa mbongo liboso ya kotika bango, esalaka ete bazwi mpe babola báyinana. Barestora etyaka bakɛngɛli oyo bazali na mindoki; bato ya bozwi batyaka na bifelo ya bandako na bango bakangá-moyibi, miinda, bakamera mpe bato ya kobatela lopango na bango.” Makambo ya ndenge wana ezali mpe na bikólo mosusu.

Kasi, Biblia elobi ete “moto akelelá batungisaka ye té.” Ndenge nini toli wana ya bwanya ekoki kosalisa yo? Soki ofandaka na esika oyo koboma mpe mobulu ezalaka mingi to soki olingi kosala mobembo na bisika ya ndenge wana, latá na ndenge oyo ekomonisa te ete ozali mozwi. Kanisá malamu na oyo okolata mpe biloko oyo okomema na bisika oyo bato bazalaka ebele, mingimingi soki biloko yango ekobenda likebi na bango. Masese 22:3 elobi boye: “Moto ya ekɛngɛ nde moto oyo amoni likama mpe amibombi, kasi bato oyo bazangi boyebi baleki kaka mpe basengeli kozwa mpasi.”

Bwanya ya Biblia emonisaka ete Mozalisi na biso atyelaka biso likebi mpe alingaka ete mabe eyela biso te. Mosakoli 7:12 elobi ete ‘bwanya ya ndenge wana ebatelaka,’ mpo “ebatelaka na bomoi baoyo bazali na yango.”

Makambo mosusu

NSANGO MALAMU OYO EUTI NA NZAMBE!

Ndenge nini mitinda ya Biblia esalisaka biso?

Yesu amonisaki ntina oyo tozali na mposa ya litambwisi mpe alobelaki mitinda mibale ya Biblia oyo eleki minene.

BIYANO NA MITUNA YA BIBLIA

Biblia ezali buku oyo etondi kaka na bwanya ya bato?

Talá oyo Biblia yango moko elobi.

LAMUKÁ!

Bwanya ezali kobelela—Okoki koyoka yango?

Bwanya ya solosolo ekosilisa bampasi ya bato.