Boyá oyo ezali mabe. 1 Bakorinti 6:9, 10

Soki tolingaka Yehova, tokosala te makambo oyo ayinaka.

Yehova alingaka te tóyiba, tólangwa masanga, to tómɛla bangi to makaya.

Nzambe ayini koboma moto, kolongola zemi, mpe kosangisa nzoto mibali na mibali to basi na basi. Alingaka te tózala bato ya lokoso to bato oyo babundaka.

Tosengeli kosambela bikeko te to kosala bikelakela.

Na Paradiso oyo ekozala awa na mabele, bato oyo basalaka makambo ya mabe bakozala te.

 Saláká oyo ezali malamu. Matai 7:12

Mpo na kosepelisa Nzambe, tosengeli kosala makasi tómekola ye.

Mpo na komonisa ete olingaka bato, zaláká na boboto mpe kabeláká bango.

Zaláká moto ya sembo.

Zaláká moto ya motema mawa mpe oyo alimbisaka.

Yebisáká basusu makambo etali Yehova mpe banzela na ye.​—Yisaya 43:10.