Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Teyá bana na yo

 LITEYA 1

Sekele oyo epesaka biso esengo mpo toyebi yango

Sekele oyo epesaka biso esengo mpo toyebi yango

Moto moko así ayebisá yo sekele moko boye? * Biblia elobeli sekele moko ya ntina mingi oyo ebengami “sekele mosantu.” Sekele yango ezali mosantu mpo euti epai ya Nzambe. Mpe babengi yango sekele mpo bato bazalaki koyeba yango te. Ata baanzelu bazalaki koluka koyeba yango malamumalamu. Olingi koyeba sekele yango?

Makambo nini okanisi ete baanzelu bazalaki koluka koyeba?

Kalakala mpenza, Nzambe asalaki mobali ná mwasi ya liboso. Bankombo na bango ezalaki Adama ná Eva. Nzambe atyaki bango na esika moko kitoko mpenza, na elanga ya Edene. Soki Adama ná Eva bátosaka Nzambe, bango ná bana na bango balingaki kokómisa mabele mobimba paradiso lokola elanga wana. Balingaki mpe kofanda na Paradiso libela na libela. Kasi, ozali koyeba lisusu likambo oyo Adama ná Eva basalaki?

Adama ná Eva batosaki Nzambe te; yango wana lelo mabele ezali paradiso te. Kasi Nzambe alobaki ete akokómisa mabele mobimba kitoko; bato nyonso bakozala na bomoi ya seko mpe bakozala na esengo. Ndenge nini alingaki kosala yango? Eumelaki ntango molai, bato bayebaki yango te. Ezalaki sekele.

Ntango Yesu ayaki awa na mabele, ateyaki bato makambo mingi oyo etali sekele yango. Alobaki ete sekele yango etali Bokonzi ya Nzambe. Yesu ayebisaki bato bábondelaka ete Bokonzi yango eya. Bokonzi yango nde ekokómisa mabele paradiso moko kitoko.

Osepeli ndenge oyebi sekele yango?Kobosana te ete kaka bato oyo batosaka Yehova nde bakofanda na Paradiso. Biblia elobeli basi ná mibali ebele oyo batosaki Yehova. Olingi koyeba bango?Tokolobela bato yango mosusu mpe tokomona ndenge oyo tokoki kolanda ndakisa na bango.

^ par. 3 Na masolo oyo, okomona elembo oyo (—) nsima ya mituna mosusu. Yango ezali esika osengeli kopema mpe kotika mwana apesa eyano.