Lakisá makambo oyo ezali na kati

kende na sous-menu

Batatoli ya Yehova

Lingala

Okanisaka ete bomoi ekozala ndenge nini na mikolo ezali koya?

Okanisaka ete bomoi ekozala ndenge nini na mikolo ezali koya?

Mokili oyo . . .

  • ekotikala kaka boye?

  • ekobeba lisusu?

  • ekobonga?

 BIBLIA ELOBI ETE

“Nzambe . . . akopangwisa mpisoli nyonso na miso na bango, mpe liwa ekozala lisusu te, ná lilaka ná koganga ná mpasi ekozala lisusu mpe te. Makambo ya kala eleki.”Emoniseli 21:3, 4, Libongoli ya Mokili ya Sika.

BOLAMU NINI OKOZWA?

Mosala ya malamu mpe oyo ekopesa esengo.Yisaya 65:21-23.

Maladi ná bampasi nyonso ekozala lisusu te.Yisaya 25:8; 33:24.

Bomoi ya esengo mpe ya seko elongo na libota mpe na baninga na yo.Nzembo 37:11, 29.

 EBONGI MPENZA TÓNDIMA MAKAMBO OYO BIBLIA ELOBI?

Ɛɛ; mpo na ntina mibale oyo:

  • Nzambe azali na likoki ya kosala makambo oyo alaki. Na Biblia, kaka Yehova Nzambe nde abengami “Mozwi-ya-Nguya-Nyonso,” mpo nguya na ye ezali na nsuka te. (Emoniseli 15:3) Na yango, azali mpenza na likoki ya kobongisa makambo na mokili, ndenge alaki yango. Ndenge kaka Biblia elobi yango, “mpo na Nzambe makambo nyonso ekoki kosalema.”Matai 19:26.

  • Nzambe azali na mposa mpenza ya kosala makambo oyo alaki. Na ndakisa, Yehova azali na “mposa makasi” ya kolamwisa bakufi.Yobo 14:14, 15.

Biblia emonisi mpe ete Yesu, Mwana ya Nzambe, abikisaki bato ya maladi. Mpo na nini asalaki yango? Mpo alingaki kosala yango. (Marko 1:40, 41) Ndenge moko na Tata, Yesu amonisaki malamu mpenza ete azali na mposa ya kosalisa bato oyo bazali na mposa ya lisalisi.Yoane 14:9.

Na yango, tokoki mpenza kondima ete Yehova ná Yesu balingi kosalisa biso tózala na bomoi ya esengo na mikolo ezali koya!Nzembo 72:12-14; 145:16; 2 Petro 3:9.

 KANISÁ NAINO

Ndenge nini Nzambe akobongisa mokili oyo?

Biblia epesi eyano na motuna yango na MATAI 6:9, 10 mpe na DANYELE 2:44.

Makambo mosusu

NSANGO MALAMU OYO EUTI NA NZAMBE!

Mokano ya Nzambe mpo na mabele ezali nini?

Biblia emonisi ntina oyo Nzambe akelaki mabele, ntango nini bampasi ekosila, mpe nini ekokómela mabele mpe bato na mikolo ezali koya.

NSANGO MALAMU OYO EUTI NA NZAMBE!

Bokonzi ya Nzambe ezali nini?

Nani azali Mokonzi ya Bokonzi ya Nzambe, mpe Bokonzi yango ekosala nini?