Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Zwá mateya na masolo ya Biblia

 LITEYA 37

Yehova asololi na Samwele

Yehova asololi na Samwele

Nganga-nzambe monene Eli azalaki na bana mibale ya mibali oyo bazalaki banganga-nzambe na tabernakle. Nkombo na bango Hofini ná Finehase. Bazalaki kotosa mibeko ya Yehova te, mpe bazalaki mpenza konyokola bato. Ntango Bayisraele bazalaki komema bambeka mpo na Yehova, Hofini ná Finehase bazalaki kozwa misuni ya malamu mpo na bango moko. Eli ayokaki likambo bana na ye bazalaki kosala, kasi asalaki eloko te. Yehova atikaki makambo yango kaka bongo?

Hofini ná Finehase bazalaki mikóló koleka Samwele, kasi Samwele alandaki ndakisa na bango te. Yehova asepelaki na ye. Mokolo moko na butu ntango Samwele alalaki, ayokaki moto azali kobenga ye. Atɛlɛmaki, akendaki mbangu epai ya Eli mpe alobaki: ‘Ngai oyo!’ Kasi Eli alobaki: ‘Nabengi yo te. Zongá kolala.’ Samwele azongaki kolala. Na nsima, babengaki ye lisusu. Ntango Samwele ayokaki mongongo yango mbala ya misato, Eli ayaki koyeba ete Yehova nde azali kobenga Samwele. Alobaki na Samwele ete soki ayoki lisusu mongongo yango, aloba ete: ‘Lobá, Yehova. Mosaleli na yo azali koyoka.’

Samwele azongaki kolala. Na nsima, ayokaki lisusu babengi ye: ‘Samwele! Samwele!’ Alobaki: ‘Lobá, mpo mosaleli na yo azali  koyoka.’ Yehova alobaki na ye: ‘Yebisá Eli ete nakopesa ye ná libota na ye etumbu. Ayebi ete bana na ye bazali kosala makambo ya mabe na tabernakle na ngai, kasi azali kosala eloko te.’ Na ntɔngɔ, Samwele afungolaki baporte ya tabernakle, lokola momesano. Abangaki koyebisa nganga-nzambe monene Eli makambo Yehova alobaki. Kasi Eli abengaki ye mpe atunaki ye: ‘Mwana, Yehova ayebisaki yo nini? Yebisá ngai makambo nyonso.’ Na yango Samwele ayebisaki Eli makambo nyonso.

Wana Samwele azalaki kokola, Yehova akobaki kozala elongo na ye. Yisraele mobimba eyebaki ete Yehova aponi Samwele azala mosakoli mpe mosambisi.

“Kanisá Mozalisi na yo Monene na mikolo ya bolenge na yo.”​—Mosakoli 12:1

Makambo mosusu

TEYÁ BANA NA YO

Samwele akobaki kosala makambo ya malamu

Ndenge nini okoki kolanda ndakisa ya Samwele mpe kosala malamu ata ntango bato mosusu bazali kosala makambo mabe?

BATO OYO BIBLIA ELOBELI

Lokasa oyo elobeli Samwele

Samwele abandaki kosalela Nzambe na bomwana mpenza. Ndenge nini okoki komekola ye?

MASOLO YA BIBLIA NA BILILINGI

Samwele aponi kosalela Yehova

Samwele amonaki ete bato oyo bazalaki na mikumba bazalaki kosala mabe. Nini esalisaki ye apona kosalela Yehova ntango basusu baponaki kosala mabe?

MEKOLÁ KONDIMA NA BANGO

Samwele “azalaki se kokola liboso ya Yehova”

Mpo na nini ndenge oyo Samwele akolaki ekesanaki na bana mosusu? Nini esalaki ete kondima na ye ekóma makasi ntango azalaki na tabernakle?

BILILINGI MPO NA KOTEYA BANA

Nani aponaki kosalela Yehova?

Bililingi oyo ekosalisa bana ya mbula 6 tii 8 báyeba bato oyo Biblia elobeli.