Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Buku ya mobu 2016 ya Batatoli ya Yehova

 INDONÉSIE

Yehova apambolaki biso koleka ndenge tokanisaki!

Angeragō Hia

Yehova apambolaki biso koleka ndenge tokanisaki!
  • ABOTAMAKI NA 1957

  • BATISIMO 1997

  • NA MOKUSE Azongaki na mboka na ye mosika na esanga Nias mpe afungolaki lisangá.

NA 2013, na mwa lisangá na biso ya Tugala, tozwaki nsango moko ya esengo mpenza: bakotongela biso Ndako ya Bokonzi ya sika! Bakonzi ya mboka bandimaki, mpe bato 60 ya kartye batyaki sinyatire na mokanda moko mpo na komonisa ete bandimi likambo yango. Moto moko ya kartye ayebisaki biso boye: “Soki bolingi ata bato 200 bátya sinyatire, bakotya.”

Bandeko mibale oyo bayebi malamu mosala ya kotonga Bandako ya Bokonzi bayaki kotambwisa mosala yango, mpe esilaki na sanza ya zomi na moko ya 2014. Ata mokolo moko te tolɔtaki ete lisangá na biso ekozwa esika ya losambo ya kitoko ndenge wana. Ya solo, Yehova apambolaki biso koleka ndenge tokanisaki!