Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Buku ya mobu 2016 ya Batatoli ya Yehova

 INDONÉSIE

Alingaki mpenza makambo ya Nzambe

Thio Seng Bie

Alingaki mpenza makambo ya Nzambe
  • ABOTAMAKI NA 1906

  • BATISIMO 1937

  • NA MOKUSE Nkulutu moko ya sembo oyo anyokwamaki mingi mpo na loposo na ye.—Mwana na ye Thio Sioe Nio nde abɛti lisolo yango.

NA SANZA ya mitano na 1963, bato mingi oyo bazalaki koyina ba Chinois bakómaki kosala mobulu na Java Occidental. Bakanelaki mingimingi engumba Sukabumi, epai tata na biso azalaki na kompanyi ya mituka oyo ememelaka bato biloko. Bato ya mobulu, kati na bango bato mosusu ya kartye, bakɔtelaki biso na ndako. Nsɔmɔ ekangaki biso ntango bato yango bazalaki kopanzapanza ndako mpe koyiba biloko na biso.

Ntango bato yango bakendaki, bato mosusu ya kartye bayaki kotala biso. Tata afandaki na bango na salon, na sima. Na kati ya biloko oyo bapanzaki, amonaki Biblia na ye ya monene ya monɔkɔ ya Soundanais. Afungolaki yango mpe ayebisaki bato yango ete makambo wana nyonso ya mobulu esakolamá. Na nsima, ayebisaki bango nsango malamu ya Bokonzi.

Tata alukaki ata mokolo moko te konduka bomɛngo ya mokili. Azalaki mbala mingi koyebisa biso: “Makambo ya elimo esengeli kozala na esika ya liboso.” Molende na ye esalisaki mama na biso, biso bana 6, nkɔkɔ na biso ya mbula 90, mpe bandeko mosusu ya libota tóndima solo.

Makambo mosusu

LAMUKÁ!

Biblia elobi nini na likambo etali koyina bato ya mposo mosusu?

Mposo nyonso ya bato ezali ndenge moko? Ezaleli ya koyina bato ya mposo mosusu ekosila mokolo mosusu?