Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Buku ya mobu 2017 ya Batatoli ya Yehova

 GÉORGIE

Nazalaki na mposa mpenza bomoi na ngai ebongwana

Davit Samkharadze

Nazalaki na mposa mpenza bomoi na ngai ebongwana
  • ABOTAMAKI NA 1967

  • BATISIMO 1989

  • NA MOKUSE Azalaki mokɛngɛli-motamboli. Banda 2013, azali molakisi na biteyelo ya Biblia.

NA 1985, ntango nazalaki na mbula 18, bakonzi ya Union Soviétique bakɔtisaki ngai mosala ya soda. Makambo ya kozanga bosembo oyo basoda bazalaki kosala mpe ndenge bazalaki konyokola bato ezalaki kotungisa ngai mpenza, mpe namilobelaki boye: ‘Naboyi kokóma lokola bango. Nakosala lokola bango te.’ Kasi namonaki ete nakokoka ntango nyonso te komonisa bizaleli oyo nazalaki kolinga. Nazalaki na mposa mpenza bomoi na ngai ebongwana.

Nsima ya kosilisa formasyo ya mosala ya soda, nazongaki ndako. Mokolo moko na butu nsima ya fɛti, nabondelaki Nzambe, nasɛngaki ye asalisa ngai nabongisa bizaleli na ngai. Mokolo oyo elandaki, ntango nazalaki kokende mosala, nalekaki kotala tata-mwasi na ngai, oyo azali Motatoli ya Yehova. Ntango nakɔtaki na ndako na ye, namonaki mwa ndambo ya bandeko oyo bayanganaki mpo na likita. Bayambaki ngai na esengo, yango wana namonaki malamu nafanda mpe nalanda likita yango.

Nandimaki koyekola Biblia mpe sanza motoba na nsima, nazwaki batisimo. Yehova asalisaki ngai nakóma moto malamu, mbongwana oyo nakokaki kosala na ndenge na ngai moko te.