Lakisá makambo oyo ezali na kati

kende na sous-menu

Batatoli ya Yehova

Lingala

Mpo na nini Yesu abengami Mwana ya Nzambe?

Mpo na nini Yesu abengami Mwana ya Nzambe?

Eyano ya Biblia

Nzambe azali na mwasi te ndenge mobali azalaka na mwasi oyo akoki kobota na ye bana. Kasi ye nde Moto akelá bomoi. (Emoniseli 4:11) Yango wana, Adama, moto ya liboso oyo Nzambe akelaki, abengamaki “mwana ya Nzambe.” (Luka 3:38) Ndenge moko mpe, Biblia eteyaka ete Nzambe nde akelaki Yesu. Yango wana mpe babengaka Yesu “Mwana ya Nzambe.”​—Yoane 1:49.

Nzambe akelaki Yesu liboso akela Adama. Ntoma Paulo akomaki ete Yesu “azali elilingi ya Nzambe oyo amonanaka te, mwana ya liboso na biloko nyonso oyo ezalisamá.” (Bakolose 1:15) Yesu azalaki na bomoi na likoló, bambula mingi mpenza liboso abotama na ndako ya bibwɛlɛ na Beteleme. Kutu, Biblia elobi ete “ebandeli na ye ezali uta kalakala, uta ntango oyo etyami ndelo te.” (Mika 5:2) Lokola Yesu azali Mwana ya liboso ya Nzambe, azalaki ekelamu ya elimo na likoló liboso abotama moto awa na mabele. Yesu ye moko alobaki ete: “Nakitaki uta na likoló.”​—Yoane 6:38; 8:23.