Lakisá makambo oyo ezali na kati

kende na sous-menu

Batatoli ya Yehova

Lingala

Biblia elobeli kolongola zemi?

Biblia elobeli kolongola zemi?

Eyano ya Biblia

Bomoi ezali eloko moko mosantu na miso ya Nzambe, mpe amonaka ete ata liki oyo ebandi kosalema na libumu ya mama ezali moto mobimba. Mpo na Nzambe, Mokonzi Davidi akomaki boye: “Miso na yo emonaki ndenge nazalaki naino liki.” (Nzembo 139:16) Nzambe alobaki ete moto akozwa etumbu soki asali mabe na mwana oyo azali naino na libumu. Na yango, na miso na ye koboma mwana oyo azali naino na libumu elimboli mpe koboma moto.​—Kobima 20:13; 21:22, 23.

Bongo soki mokakatano moko ebimi ntango mwasi azali kobota mpe monganga atuni ete, bábikisa nani kati na mama mpe mwana? Na ntango wana, mwasi ná mobali bango moko bakozwa ekateli soki bábikisa nani.