Lakisá makambo oyo ezali na kati

kende na sous-menu

Batatoli ya Yehova

Lingala

Ndenge nini nakoki kosala badevuare oyo nyonso?

Ndenge nini nakoki kosala badevuare oyo nyonso?

Oyo okoki kosala

Luká esika ya koyekola. Esengeli kozala esika ya kimya. Soki likoki ezali, okoki kosalela mesa ná kiti. Kofungola TV te.

Ntango ezali lokola mpunda moko ya makasi—osengeli koyeba kosalela yango malamu

Omityela mikano. Lokola kelasi ezali na ntina mingi, zwá ekateli ya kosilisa naino badevuare na yo liboso ya kosala likambo mosusu.

Kozongisaka makambo nsima te. Salá programɛ ya malamu mpo na kobongisaka badevuare na yo, mpe landáká yango.

Zalá na programɛ. Poná devuare oyo okobanda na yango, oyo ekolanda mpe bongobongo. Komá yango na papye, mpe kabolá ngonga oyo mokomoko na yango ekozwa. Tyá elembo ntango nyonso oyo osilisi devuare moko.

Pemáká mwa moke. Soki omoni ete bɔɔngɔ ebandi kolɛmba, pemá moke. Kasi, soki ntango eleki kaka moke, zongelá devuare na yo.

Tyá motema ete okozala moyekoli malamu. Kobosana te ete eloko ekesenisaka moyekoli ya malamu ná oyo ya mabe, ezali te mayele oyo azalaka na yango, kasi nde molende na koyekola. (Masese 10:4) Okoki kolekisa kelasi na yo malamu. Salá mpenza milende mpe okozwa matomba.