Lakisá makambo oyo ezali na kati

Batatoli ya Yehova

Poná monɔkɔ Lingala

JW LIBRARY SIGN LANGUAGE

Biloko oyo ezali na JW Library Sign Language

Biloko oyo ezali na JW Library Sign Language

JW Library Sign Language ezali programɛ moko ya ordinatɛrɛ oyo Batatoli ya Yehova nde basali. Esalisaka moto azwa, abongisa mpe atánga bavideo na minɔkɔ ya bababa oyo ezali na jw.org. Programɛ yango ezali te na Lingala.

Talá Biblia mpe bavideo mosusu na elobeli ya bababa. Zwá mpe tyá yango na aparɛyi na yo mpo otalaka yango ata soki okɔti na Internet te. Okosepela na bililingi mpe langi na yango mpe ndenge ezali mpasi te kosalela programɛ yango.

 

Kokɔta ezali mindɔndɔ te

Soki okɔti na esika bakomi Bible, okomona mokanda mokomoko oyo esilaki kobima ya Biblia Libongoli ya Mokili ya Sika. Okoki mpe kotala bavɛrsɛ mosusu ya mikanda ya Biblia oyo ebimá naino te na Libongoli ya Mokili ya Sika, kasi ezali na mikanda mosusu. Soki okɔti esika bakomi Publications, okomona mikanda mosusu mpe bafilme oyo ezali na jw.org.

 

Okoki kotala nokinoki bavɛrsɛ oyo batye

Ntango ozali kotala video moko ya mokanda, finá na butɔ Bible. Video ekotɛlɛma wana ozali kokɔta na vɛrsɛ oyo batye mpe ozali kotala yango. Zongá esika bakomi Publications mpo ozongela kotala mokanda oyo obandaki kotala liboso.

 

Okoki kozwa bavideo kozanga mindɔndɔ

Bavideo oyo ozwi naino te ezali na elembo ya lipata pembeni na yango. Finá video moko mpo na kozwa yango na jw.org. Finá na butɔ Tout télécharger mpo na kozwa bavideo nyonso oyo ezali wana. Finá na butɔ Autres fonctions mpo na kolongola yango na aparɛyi na yo.

 

Kobakisa to kolongola bavideo na aparɛyi

Okoki kopona kozwa bavideo oyo emonisaka bililingi malamu koleka (ya monene) to oyo emonisaka bililingi malamu mingi te (ya moke). Soki aparɛyi na yo ezali na esika oyo batyaka carte SD, okoki kopona kotya bavideo na aparɛyi na yo to na carte SD.

 

Aparɛyi ya kotánga bavideo kozanga mindɔndɔ

Mwa makambo ya pɛtɛɛ oyo okoki kosala mpo na kotánga video:

  • Kofina na misapi mibale: Mpo na kotánga video to kotɛlɛmisa yango.

  • Komema mosapi na ngámbo ya lobɔkɔ ya mobali: Mpo na kokende na esika elandi.

  • Komema mosapi na ngámbo ya lobɔkɔ ya mwasi: Mpo na kozonga na esika eleki.

  • Komema mosapi na likoló: Mpo na komatisa vitɛsi ya kotánga video.

  • Komema mosapi na nse: Mpo na kokitisa vitɛsi ya kotánga video.

  • Kofina mpamba: Kobimisa to kobomba babutɔ ya aparɛyi.

 

Na mikolo ezali koya

  •  Liste ya bavideo oyo okoki kosala yo moko

 

Lisalisi

Soki okutani na mikakatano na JW Library Sign Language, tosɛngi yo otondisa mpe otinda formilɛrɛ oyo na internet.