BÓSƐNZƐLAKA!
Bato ya politiki balobi ete Armagedone ekómi pene—Biblia elobi nini?
Na ntɔngɔ ya mokolo ya liboso, mwa 10/10/2022, Russie etindaki bamisile na bingumba ya Ukraine mpo na kozongisela bango eyano na ndenge Ukraine etindaki babɔmbi mikolo mibale oyo euti koleka oyo ebukaki gbagba (pont) oyo esangisaka mboka Crimée ná Russie. Makambo yango esalemi nsima ya mwa ntango moke ete bato ya politiki báloba ete Armagedone ekómi pene.
“Kobanda na Prezida ya kala ya États-Unis John F. Kennedy mpe koswana oyo ezalaki na bango mpo na bamisile oyo ezalaki na Cuba, totikala koyoka te ete tokómi pene mpenza ya Armagedone. . . . Nakanisi ete ekozala likambo ya mpasi te mpo ete Armagedone eya soki tosaleli bibundeli ya nikleere.”—Joe Biden Prezida ya États-Unis, 06/10/2022.
Nandimi ete Armagedone ezali koya kala mingi te mpe ekozala likama ya monene mpo na planɛti mobimba.”—Eyano ya Prezida ya Ukraine, Volodymyr Zelensky, ntango batunaki ye makama oyo kosalela bibundeli ya nikleere ekoki kobimisa, BBC News, 08/10/2022.
Kosalela bibundeli ya nikleere yango nde ekomema na Armagedone? Biblia elobi nini?
Bibundeli ya nikleere yango nde ekosala ete Armagedone eya?
Te. Liloba “Armagedone” ekomami kaka mbala moko na Biblia na mokanda ya Emoniseli 16:16. Yango ezali komonisa te bikólo mibale oyo ezali kobunda to kowelana, kasi etumba kati na Nzambe ná “bakonzi ya mabele mobimba esika bato bafandi.” (Emoniseli 16:14) Nzambe akosalela etumba ya Armagedone mpo na kosilisa boyangeli ya bato.—Danyele 2:44.
Mpo na koyeba makambo oyo etumba ya Armagedone ekosala na mabele, talá lisolo Etumba ya Armagedone ezali nini?
Mabele mpe bato oyo bafandi na mabele bakobomama na etumba ya nikleere?
Te. Atako bato oyo bazali koyangela bakoki kosalela bibundeli ya nikleere na mikolo ezali koya, Nzambe akotika te ete mabele ebebisama. Biblia elobi boye:
“Kasi mabele ezali koumela seko.”—Mosakoli 1:4.
“Bayengebene bakozwa mabele, Mpe bakofanda wana seko.”—Nzembo 37:29.
Kasi, esakweli ya Biblia mpe makambo oyo ezali kosalema lelo oyo, ezali komonisa ete kala mingi te bambongwana ya minene ekosalema na mabele. (Matai 24:3-7; 2 Timote 3:1-5) Talá makambo oyo Biblia elobi mpo na mikolo ezali koya na nzela ya boyekoli ya Biblia ya ofele.
Talá mpe...
BIYANO NA MITUNA YA BIBLIA
Mabele ekobebisama?
Biblia elobeli polele mokano ya Nzambe mpo na mabele na biso.
MATEYA MPENZA YA BIBLIA
Mpo na nini Nzambe akelaki mabele?
Mabele etondi na biloko kitoko mpenza. Akabolá yango na moi na ntaka oyo ebongi mpenza, atyá na ndenge etɛngamá malamu mpe atyá yango ebalukaka na vitɛsi oyo ebongi. Mpo na nini Nzambe asalaki milende mingi ndenge wana mpo na kokela mabele kitoko oyo?
BIYANO NA MITUNA YA BIBLIA
Elembo ya “mikolo ya nsuka,” to ‘ntango ya suka’ ezali nini?
Biblia elobeli makambo oyo ekosalema liboso “suka ya mokili” eya.
Russie ezali kobundisa Ukraine
Talá ndimbola ya makambo yango
LINƆ́NGI YA MOSƐNZƐLI
Bato bakoki kobika na etumba ya Armagedone?
Liloba Armagedone ebangisaka, kasi elimboli mpenza nini?
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
