BÓSƐNZƐLAKA!
2022: Mbula moko ya yikiyiki—Biblia elobi nini?
Na 2022, bansango mingi ezalaki kolobela kaka bitumba, mikakatano ya mbongo, kobeba ya klima mpe mopɛpɛ. Kaka Biblia nde emonisi mpenza soki makambo yango elakisi nini.
Makambo oyo esalemi na 2022 emonisi mpenza nini?
Makambo oyo esalemi na 2022 emonisi mpenza polele ete tozali na ntango oyo Biblia ebengi “mikolo ya nsuka.” (2 Timote 3:1) Ntango yango ebandaki na 1914. Talá ndenge makambo oyo esalemi na 2022 eyokani na oyo Biblia elobaki mpo na mikolo na biso:
“Bitumba.”—Matai 24:6.
“2022 ezalaki mbula oyo bato na Mpoto bakómaki lisusu kobanga makambo mabe oyo etumba ebimisaka.” a
Talá lisolo “Russie ezali kobundisa Ukraine.”
“Nzala.”—Matai 24:7.
“2022 ezalaki mbula moko ya nzala makasi mpenza.” b
Talá lisolo “Etumba ya Ukraine ebakisi nzala na mokili mobimba.”
“Bamaladi.”—Luka 21:11.
“Maladi ya bukabuka ezongi lisusu, Variole du singe ekómi koningisa mokili, Corona mpe ezali kokoba koboma bato. Nyonso oyo emonisi polele ete bamaladi oyo ezali mabe makasi mpe bato bakokoka mpenza komibatela na yango te.” c
Talá lisolo “Milio 6 ya bato bakufi na COVID.”
“Makambo ya nsɔmɔ.”—Luka 21:11.
“Molunge, kokauka ya mabele, mɔtɔ ya zamba, mpe mpela. Eleko ya molunge ya 2022 tokobosana yango te. Molunge ekómaki makasi mpenza mpe esalaki ete biloko mingi ebeba, bankóto ya bato bákufa, mpe bamilio ya bato na mokili mobimba bábungisa bandako na bango.” d
Talá lisolo “Molunge makasi na mokili mobimba.”
“Makambo ya mobulu.”—Luka 21:9.
“Na 2022, lokola bato bazalaki na nkanda mpo nkita ebebaki mpe biloko ezalaki komata ntalo makasi, bato mingi bakómaki kotombokela baguvɛrnema.” e
Talá lisolo “Ntalo ya biloko ezali se komata na mokili mobimba.”
Makambo nini ekosalema na 2023?
Moto moko te ayebi mpenza makambo oyo ekosalema na 2023. Kasi toyebi likambo oyo: Mosika te Bokonzi ya Nzambe, to guvɛrnema ya likoló, ekobongisa makambo mingi awa na mabele. (Danyele 2:44) Guvɛrnema yango ekolongola eloko oyo esalaka ete bato bányokwama, mpe ekosala ete mokano ya Nzambe esalema awa na mabele.—Matai 6:9, 10.
Tolendisi yo olanda toli oyo Yesu Kristo apesaki mpe ‘okoba kosɛnzɛla’ mpo omona ndenge makambo oyo ezali koleka na mokili ezali kokokisa bisakweli ya Biblia. (Marko 13:37) Tosɛngi yo okomela biso mpo na koyeba ndenge oyo Biblia ekoki kosalisa yo sikoyo, mpe ndenge oyo ekoki kopesa yo ná libota na yo elikya ya solosolo mpo na avenire moko kitoko.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Talá mpe...
BIYANO NA MITUNA YA BIBLIA
Elembo ya “mikolo ya nsuka,” to ‘ntango ya suka’ ezali nini?
Biblia elobeli makambo oyo ekosalema liboso “suka ya mokili” eya.
LINƆ́NGI YA MOSƐNZƐLI
Etikali moke Nzambe asilisa bampasi nyonso
Ndenge nini toyebi ete etikali moke Nzambe asilisa bampasi nyonso mpe kozanga bosembo?
MATEYA MPENZA YA BIBLIA
Bokonzi ya Nzambe ezali nini?
Ntango Yesu azalaki awa na mabele, ateyaki makambo etali Bokonzi ya Nzambe koleka makambo mosusu nyonso.
MATEYA YA NTINA MINGI YA BIBLIA
Bokonzi ya Nzambe ebandaki koyangela na mobu 1914
Eleki sikoya mbula 2 500, Nzambe alɔtisaki mokonzi moko ya nguya ndɔtɔ moko ya esakweli oyo ezali kokokisama lelo oyo.
MAKAMBO MOSUSU
Elikya ya solosolo mpo na mikolo ezali koya
Mpo nini bilaka oyo ezali na Biblia ekeseni mpenza bisakweli mpe bilaka oyo bato bapesaka?
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
