Yosua 23:1-16

  • Maloba ya nsuka ya Yosua epai ya bankumu ya Yisraele (1-16)

    • Ata liloba moko te ya Yehova ezangi kokokisama (14)

23  Yehova apesaki Bayisraele bopemi+ na ndenge abikisaki bango liboso ya banguna na bango oyo bazalaki zingazinga. Mikolo mingi nsima na yango, ntango Yosua akómaki mobange mpe mbula na ye epusanaki,+  Yosua abengaki Yisraele mobimba:+ bankulutu, bankumu, basambisi, bakapita,+ mpe alobaki na bango boye: “Ngai nakómi mobange, mbula na ngai epusani.  Mpe bino moko bomoni nyonso oyo Yehova Nzambe na bino asali bikólo oyo nyonso mpo na bino, mpo Yehova Nzambe na bino nde azalaki kobundela bino.+  Talá, nakabolelaki bino na nzela ya mbɛsɛ+ teritware ya bikólo oyo etikali mpo ezala libula mpo na mabota na bino,+ bakisa mpe teritware ya bikólo nyonso oyo nabebisaki,+ banda na Yordani tii na Mbu Monene* na wɛsti.*  Mpe Yehova Nzambe na bino nde azalaki kobengana bango liboso na bino,+ mpe abɔtɔlaki bango mokili na bango mpo na kopesa bino, mpe bozwaki mokili na bango, kaka ndenge Yehova Nzambe na bino alakaki bino.+  “Sikoyo, bosengeli kozala na mpiko mpenza mpo na kotosa mpe kosalela makambo nyonso oyo ekomami na buku ya Mobeko+ ya Moize, ete bópɛngwa na yango soki moke te mpo na kokende na lobɔkɔ ya mobali to na lobɔkɔ ya mwasi,+  mpe bósangana soki moke te na bato ya bikólo+ oyo bazali kofanda elongo na bino. Bosengeli kutu te kotánga nkombo ya banzambe+ na bango to kolapa ndai na nkombo na bango, mpe bosengeli soki moke te kosalela bango to kogumbamela bango.+  Kasi bosengeli kokangama nde na Yehova Nzambe na bino,+ kaka ndenge bosali yango tii na mokolo ya lelo.  Yehova akobengana bikólo ya minene mpe ya nguya liboso na bino.+ Kutu ata moto moko te alongi kotɛlɛma liboso na bino tii na mokolo ya lelo.+ 10  Moto moko mpamba kati na bino akokimisa banguna nkóto,+ mpo Yehova Nzambe na bino nde azali kobundela bino,+ kaka ndenge alakaki bino.+ 11  Yango wana, bókeba ntango nyonso*+ ete bólinga Yehova Nzambe na bino.+ 12  “Kasi soki bomeki kozonga nsima mpe kokangama na bato ya bikólo yango oyo etikali+ mpe efandi elongo na bino, mpe soki bobalani*+ na bango, bosangani na bango mpe bango basangani na bino, 13  bóyeba mpenza ete Yehova Nzambe na bino akobengana* lisusu te bikólo yango mpo na bino.+ Bakokómela bino monyama mpe motambo, fimbo na mipanzi na bino+ mpe banzubɛ na miso na bino, tii bino nyonso bokosila na mokili malamu oyo Yehova Nzambe na bino apesi bino. 14  “Sikoyo talá! Etikali moke nakufa,* mpe boyebi malamu na motema na bino mobimba mpe na molimo* na bino mobimba ete ata liloba moko te na bilaka nyonso ya malamu oyo Yehova Nzambe na bino apesaki bino, ezangi kokokisama. Yango nyonso ekokisami mpo na bino. Ata liloba moko te ezangi kokokisama.+ 15  Kasi, kaka ndenge bilaka nyonso ya malamu oyo Yehova Nzambe na bino apesaki bino ekokisami epai na bino,+ ndenge moko mpe Yehova akoyeisela bino mpasi nyonso oyo alakaki* mpe akosilisa bino na mokili malamu oyo Yehova Nzambe na bino apesi bino.+ 16  Soki bobuki kondimana ya Yehova Nzambe na bino oyo apesaki bino mitindo ete bóbatela yango, mpe soki bokei kosalela banzambe mosusu mpe bogumbameli bango, boye nkanda ya Yehova ekongalela bino,+ mpe bokokufa nokinoki na mokili malamu oyo apesi bino.”+

Maloba na nse

Elingi koloba, Mbu ya Mediterane.
To, “epai moi elalaka.”
To, “bókɛngɛla mpenza mpo na milimo na bino.”
To, “bosali kondimana ya libala.”
To, “akobɔtɔla.”
Lil., “Nazali lelo kokende na nzela ya mabele mobimba.”
Lil., “liloba nyonso ya mabe.”