Yobo 26:1-14
26 Yobo ayanolaki ete:
2 “Ndenge wana nde osalisi moto oyo azali na nguya te!
Ndenge wana nde obikisi moto oyo azangi makasi!+
3 Opesi toli ya malonga na moto oyo azangi bwanya!+
Omonisi mpenza bwanya* epai ya ebele ya bato!
4 Ozali koloba na nani,Mpe makambo oyo ozali koloba euti epai ya nani?*
5 Baoyo bazangi makasi kati na liwa bazali kolɛnga;Bazali mpenza na nse ya mai mpe ya biloko oyo efandaka kuna.
6 Nkunda* ezali bolumbu liboso ya Nzambe,*+Mpe esika ya libebi* ezipami te.
7 Atandi likoló* na esika oyo ezali mpamba,+Atyá* mabele likoló ya eloko moko te;
8 Akangi mai liboke na kati ya mapata,+Bongo mapata ezali kopasuka te na kilo na yango;
9 Azipi kiti ya bokonzi na ye mpo emonana te,Atandi lipata na ye likoló na yango.+
10 Atyá bandelo kati na likoló mpe mbu,+Atyá bandelo kati na pole mpe molili.
11 Makonzí ya likoló ezali kolɛnga;Ekamwe mpo na mpamela na ye.
12 Na nguya na ye, atombokisi mbu,+Mpe na mayele na ye, abukibuki nyama monene mpenza mpe ya nsɔmɔ* ya mbu.+
13 Na mpema* na ye asukolaka likoló;Lobɔkɔ na ye etɔbɔli nyoka oyo esɛlimwaka.
14 Talá! Wana ezali kaka ebandeli ya banzela na ye;+Kaka mwa nungunungu bayoki mpo na ye!
Bongo nani akoki kokanga ntina ya nkake na ye ya nguya?”+
