Yisaya 62:1-12
-
Nkombo ya sika ya Siona (1-12)
62 Mpo na Siona nakokanga monɔkɔ te,+Mpe mpo na Yerusaleme nakofanda nyɛɛ teTii bosembo* na ye ekongɛnga lokola pole ya makasi+Mpe lobiko na ye ekopela lokola mɔtɔ oyo ezali kopela.+
2 “Bikólo ekomona bosembo na yo, Ee mwasi,+Mpe bakonzi nyonso bakomona nkembo na yo.+
Mpe bakobenga yo na nkombo ya sika,+Oyo Yehova ye moko akopona.
3 Okokóma motole* ya kitoko na lobɔkɔ ya Yehova,Tirba ya bokonzi na lobɔkɔ ya Nzambe na yo.
4 Okobengama lisusu te mwasi oyo basundolá,+Mpe mokili na yo ekobengama lisusu te oyo etikalá mpamba.+
Kasi bakobenga yo: “Esengo na ngai ezali epai na ye,”+Mpe bakobenga mokili na yo: “Mwasi ya moto.”
Mpo Yehova akosepela na yo,Mpe mokili na yo ekozala lokola mwasi oyo abalá.
5 Mpo kaka ndenge elenge mobali abalaka ngɔndɔ,Bafandi na yo bakobala yo.
Ndenge mobali oyo auti kobala asepelaka na mwasi oyo abali,Nzambe na yo akosepela na yo.+
6 Ee Yerusaleme, natye basinzili likoló ya bifelo na yo.
Moi mobimba mpe butu mobimba, ntango nyonso, basengeli kokanga monɔkɔ te.
Bino baoyo bolobelaka Yehova,Bófanda nyɛɛ te,
7 Bótika ye apema te tii akopika Yerusaleme makasi,Tii akosala ete ezala eloko ya kosanzola na mabele.”+
8 Yehova alapi ndai na lobɔkɔ na ye ya mobali mpe na lobɔkɔ na ye ya makasi ete:
“Nakopesa lisusu te banguna na yo mbuma na yo mpo bálya,Mpe bato ya mboka mosusu bakomɛla te vinyo na yo ya sika oyo obomelaki nzoto.+
9 Kasi baoyo bakobuka yango bakolya yango, mpe bakosanzola Yehova;Mpe baoyo bazali koyanganisa yango bakomɛla yango na mapango mosantu na ngai.”+
10 Bóleka, bóleka na baporte.
Bóbongisa nzela mpo na bato.+
Bótonga, bótonga balabala monene.
Bólongola mabanga na yango.+
Bótɛlɛmisela bato ya bikólo elembo.+
11 Talá! Yehova ye moko asakoli tii na bansuka ya mabele:
“Bóloba na mwana mwasi ya Siona ete:‘Talá! Lobiko na yo ezali koya.+
Talá! Azali na mbano ya kopesa,Mpe lifuti oyo azali kofuta ezali liboso na ye.’”+
12 Bato bakobenga bango ekólo mosantu, bato oyo Yehova asikoli,+Bakobenga yo “Moto balukaka,” “Engumba oyo basundolá te.”+
