Yisaya 29:1-24
29 “Mawa na Ariele,* Ariele, engumba oyo Davidi atyaki kaa!+
Bóbakisa mbula likoló ya mbula;Bafɛti+ ekoba kolandana.
2 Kasi nakomemela Ariele mpasi,+Mpe mawa ná kolela ekozala,+ mpe na miso na ngaiAkokóma lokola esika mɔtɔ ya etumbelo ya Nzambe epelaka.+
3 Nakotya kaa na bangámbo nyonso mpo na kobundisa yo,Mpe nakozinga yo na lopango ya banzeteMpe nakotɛlɛmisa biloko oyo ekozinga yo.+
4 Okokitisama na nse mpenza,Okoloba uta na mabele,Mpe putulu ekosala ete makambo oyo okoloba eyokana te.
Mongongo na yo oyo ekouta na mabele+Lokola mongongo ya moto oyo asololaka na bilimo,Mpe uta na putulu maloba na yo ekoyokana swiswiswi.
5 Ebele ya bato oyo bazali banguna* na yo bakokóma lokola putulu,+Ebele ya banyokoli bakokóma lokola mposo ya blé oyo ememami na mopɛpɛ.+
Mpe yango ekosalema na mbala moko, na pwasa.+
6 Yehova ya mampinga akotyela yo likebiNa nkake, na koningana ya mabele mpe na makɛlɛlɛ makasi,Na ekumbaki, na mopɛpɛ makasi mpe na lolemo ya mɔtɔ oyo ezali kozikisa.”+
7 Mpe ebele ya bato ya bikólo nyonso oyo bazali kobunda etumba na Ariele+—Baoyo nyonso bazali kobunda na ye etumba,Ná baoyo bazali kotya manɔ́ngi ya kobunda na ye,Mpe bazali komemela ye mpasi—Bakokóma lokola ndɔtɔ, emonaneli ya butu.
8 Ɛɛ, ekozala lokola ntango moto oyo azali na nzala azali kolɔta ete azali kolya,Kasi alamuki azali kaka na nzala,*Mpe lokola ntango moto oyo azali na mposa ya mai azali kolɔta ete azali komɛla,Kasi alamuki ya kolɛmba ná mposa ya mai.*
Yango nde ekokómela ebele ya bato ya bikólo nyonsoOyo bazali kobundisa Ngomba Siona.+
9 Bótikala monɔkɔ polele mpe bókamwa;+Bókanga miso, mpe bókangama miso.+
Balangwe, kasi na vinyo te;Bazali kotengatenga, kasi te na masanga oyo elangwisaka.
10 Mpo Yehova asopeli bino elimo ya mpɔngi makasi;+Akangi miso na bino, basakoli,+Mpe azipi mitó na bino, bamoni-bimonaneli.+
11 Emonaneli nyonso ekómi epai na bino lokola maloba ya buku oyo ekangamá na elembo,+ ntango bapesi yango moto oyo ayebi kotánga, balobi: “Tobondeli yo, tángá yango na mongongo makasi,” akoloba boye: “Nakokoka te, mpo ekangami na elembo.”
12 Mpe ntango bapesi buku yango na moto moko oyo ayebi kotánga te, balobi: “Tobondeli yo, tángá awa,” akoloba boye: “Nayebi kotánga te.”
13 Yehova alobi: “Bato oyo basambelaka ngai kaka na maloba mpamba,Mpe bakumisaka ngai kaka na mbɛbu,+Kasi motema na bango ezali mosika na ngai,Mpe kobanga oyo bazali kobanga ngai euti nde na mibeko ya bato, oyo bateyi bango.+
14 Yango wana, ngai Moto nakosala lisusu makambo ya kokamwa na bato oyo,+Makambo ya kokamwa na makambo ya kokamwa;Mpe bwanya ya bato na bango ya bwanya ekosila,Mpe mayele ya bato na bango ya mayele ekobombama.”+
15 Mawa na baoyo bazali koluka kobombela Yehova mikano na bango ya mabe.+
Bakokisaka mikano na bango ya mabe na esika ya molili,Wana bazali koloba: “Nani azali komona biso?
Nani ayebi nini oyo tozali kosala?”+
16 Bozali mpenza kobalola makambo!*
Moyemi-mbɛki asengeli nde kotalelama lokola mabele?*+
Eloko oyo esalemi esengeli nde koloba mpo na moto oyo asali yango ete:
“Asalaki ngai te”?+
Mpe eloko oyo esalemi esengeli nde koloba na moto oyo asali yango ete:
“Azali na mayele ata moke te”?+
17 Etikali kaka mwa ntango moke Liban ekokóma elanga ya banzete ya mbuma,+Mpe elanga ya banzete ya mbuma ekotalelama lokola zamba.+
18 Na mokolo yango, bato oyo bakufá matoi bakoyoka maloba ya buku,Mpe miso ya bato oyo bakufá miso ekolongwa na molili ná molili makasi mpe ekomona.+
19 Bato ya komikitisa bakosepela mingi mpo na Yehova,Mpe babola bakosepela na Mosantu ya Yisraele.+
20 Mpo monyokoli akozala lisusu te,Moto oyo amikumisaka akosuka,Mpe baoyo bazali ntango nyonso pene ya kosala mabe bakobomama,+
21 Baoyo basalelaka lokuta mpo na kokweisa basusu,Baoyo bazali kotyela molobeli* motambo na porte ya engumba,+Mpe baoyo bazali kosalela bifundeli ya lokuta mpo na kopimela moyengebene bosembo.+
22 Na yango, talá oyo Yehova moto oyo asikolaki Abrahama+ alobi mpo na bato ya libota ya Yakobo:
“Yakobo akoyoka lisusu nsɔni te,Mpe elongi na ye ekomonisa lisusu te ete alɛmbi nzoto.*+
23 Mpo ntango akomona bana na ye,Oyo bazali mosala ya mabɔkɔ na ngai, na katikati na ye,+Bakosantisa nkombo na ngai;Ɛɛ, bakosantisa Mosantu ya Yakobo,Mpe bakozala na limemya mingi mpo na Nzambe ya Yisraele.+
24 Baoyo bazali na libunga na makanisi na bango bakozwa mayele,Mpe baoyo bazali koimaima bakondima báteyama.”
Maloba na nse
^ Ekoki mpe kolimbola, “esika etumbelo ya mɔtɔ ya Nzambe ezali,” ekoki kozala ete ezali kolobela Yerusaleme.
^ Lil., “bapaya.”
^ To, “molimo na ye ezali na eloko te.”
^ To, “mpe molimo na ye ekauki.”
^ To, “bozoba ya ndenge nini bozali na yango.”
^ To, “mabele ya lima.”
^ Lil., “moto oyo apamelaka.”
^ Lil., “elongi na ye ekokóma puu te.”
