Yisaya 12:1-6
12 Na mokolo yango okoloba mpenza boye:
“Ee Yehova, napesi yo matɔndi,Mpo atako osilikelaki ngai,Nsukansuka, nkanda na yo ekitaki, mpe obɔndisaki ngai.+
2 Talá! Nzambe azali lobiko na ngai.+
Nakotya motema mpe nakozala na nsɔmɔ te;+Mpo Yah* Yehova azali makasi na ngai mpe nguya na ngai,Mpe akómaki lobiko na ngai.”+
3 Na esengo nyonso bokotoka maiNa maziba ya lobiko.+
4 Mpe na mokolo yango bokoloba boye:
“Bópesa Yehova matɔndi, bóbelela nkombo na ye.Bóyebisa bato ya bikólo misala na ye!+
Bóloba ete nkombo na ye etombwani likoló.+
5 Nakoyemba mpo na kosanzola* Yehova,+ mpo asali makambo ya kokamwa.+
Tiká yango eyebisama na mabele mobimba.
6 Yo oyo ofandaka* na Siona, gangá makasi mpe gangá na esengo,Mpo Mosantu ya Yisraele azali monene na kati na yo.”
