Nahumu 2:1-13

  • Ninive ekokóma esika oyo ebebá (1-13)

    • “Baporte ya bibale ekofungwama” (6)

2  Moto oyo apalanganisaka ayeli yo.*+ Bóbatela bisika oyo etongami makasi. Bókɛngɛla nzela. Bómibongisa* mpe bósangisa makasi na bino nyonso.   Mpo Yehova akozongisa lisusu lokumu ya Yakobo,Mpe lokumu ya Yisraele,Mpo baoyo bapanzaka, bapanzi mokili na bango;+Mpe babebisi bitape na bango ya sika.   Banguba ya bato na ye ya nguya epakolami langiya motane,Bilombe na ye ya etumba balati bilamba ya motane makasi. Bibende ya makalo na ye ya etumba ezali kongɛnga lokola mɔtɔNa mokolo oyo azali komilɛngɛla mpo na etumba,Mpe bazali koningisa makɔnga ya nzete ya jenevriye.   Makalo ya bitumba ezali kotambola mbangu na babalabala. Ezali kokende epai na epai na bisika ya bato nyonso. Ezali kongɛnga lokola mwa banzete ya mɔtɔ oyo ezali kopela, ezali mbangu lokola mikalikali.   Akoyanganisa bakonzi ya basoda na ye. Bakobɛta libaku ntango bazali kopusana. Bazali kokende mbanguna bifelo na ye;Bakangi nzela na makasi.   Baporte ya bibale ekofungwama,Mpe ndako ya mokonzi ekokwea.*   Likambo yango ekatami: Atikali bolumbu mpe bamemi ye.Baombo na ye ya basi bazali kolela lokola bibenga;Bazali komibɛtabɛta na ntolo.*   Banda kala, Ninive+ ezalaka lokola liziba ya mai,Kasi sikoyo bazali kokima. “Bótɛlɛma! Bótɛlɛma!” Kasi moto moko te azali kotala nsima.+   Bópunza palata, bópunza wolo! Biloko na yango ya motuya esilaka te. Etondi na biloko kitoko ya ndenge nyonso. 10  Engumba etikali mpamba, esundolami, ebebisami!+ Mitema na bango elɛmbi na kobanga, mabɔlɔngɔ na bango ezali kotengatenga, mpe loketo na bango ezali kolɛnga;Bilongi na bango nyonso ezali mawamawa.* 11  Wapi esika nkɔsi efandaka,+ esika bana-nkɔsi* elyaka,Esika nkɔsi ebimaka elongo na mwana na yango,Epai moto ata moko te abangisaka yango? 12  Nkɔsi ezalaki kopanza mikemike eloko ya kolya mpo na bana na yango,Mpe ezalaki kokamola nkingo mpo na bankɔsi na yango ya basi. Ezalaki kotondisa madusu na yango na nyama ya kolya,Mpe esika na yango ya kobombana na nyama oyo bapasolipasoli. 13  “Talá! natɛmɛli yo,” Yehova ya mampinga alobi bongo,+“Nakotumba mpenza makalo na yo ya bitumba,+Mpe mopanga ekolya bana-nkɔsi* na yo. Nakolongola na mabele nyama na yo ya kolya,Mpe bakoyoka lisusu mongongo ya bamemi-nsango na yo te.”+

Maloba na nse

Elingi koloba, Ninive.
Lil., “Bókanga loketo.”
To, “ekopanzana.”
Lil., “mitema.”
To, “ekómi motane.”
To, “bana-nkɔsi oyo nkingo etondi na nsuki.”
To, “bana-nkɔsi oyo nkingo etondi na nsuki.”