Zekaria 9:1-17
9 Liyebisi:+
“Liloba ya Yehova etɛmɛli mokili ya Hadrake, mpe Damasi+ ezali esika yango epemaka; mpo Yehova azali kotya liso na moto ya mabele+ mpe na mabota nyonso ya Yisraele.
2 Mpe Hamate+ ekozala lisusu na ndelo na ye;* Tire+ ná Sidone,+ mpo yango ezali na bwanya mingi.+
3 Mpe Tire ebandaki komitongela mwa ngomba oyo basalá mpo na libateli, mpe koyanganisa palata lokola putulu mpe wolo lokola pɔtɔpɔtɔ ya babalabala.+
4 Talá! Yehova ye moko akobɔtɔla yango biloko, mpe akoboma mpenza mampinga ya basoda na yango na mbu;+ mpe yango ekozikisama na mɔtɔ.+
5 Ashekelone ekomona mpe ekobanga; mpe Gaza, ekoyoka mpe mpasi makasi mpenza; Ekrone+ mpe ndenge moko, mpamba te eloko oyo yango ezalaki kotyela elikya+ ekoyoka nsɔni. Mpe mokonzi moko akokufa na Gaza, mpe bato bakofanda na Ashekelone te.+
6 Mpe mwana-mobali ya makango+ akofanda mpenza na Ashedode,+ mpe nakolongola mpenza lolendo ya Mofilistia.+
7 Mpe nakolongola na monɔkɔ na ye biloko oyo ebebisami na makila mpe nakolongola na mino na ye biloko na ye ya bosɔtɔ,+ ye mpe akotikala mpenza mpo na Nzambe na biso; mpe akokóma lokola sheiki+ na kati ya Yuda,+ mpe Ekrone lokola Moyebusi.+
8 Mpe, mpo na ndako na ngai, nakomitya lokola basoda oyo bakɛngɛlaka,+ bongo moto akoleka wana te mpe moto akozonga wana te; mpe kapita ya mosala akoleka lisusu te epai na bango,+ mpo sikoyo namoni yango na miso na ngai.+
9 “Ee mwana mwasi ya Siona, zalá na esengo mingi.+ Ee mwana mwasi ya Yerusaleme, gangá na koganga ya bolongi.+ Talá! Mokonzi na yo+ azali koya epai na yo.+ Azali moyengebene, ɛɛ, abikisami;+ moto ya komikitisa,+ mpe amati likoló ya mpunda,* ɛɛ likoló ya nyama oyo ekɔmɛli, mwana ya mpunda ya mwasi.+
10 Mpe nakolongola mpenza likalo ya etumba na Efraime mpe nakolongola mpunda na Yerusaleme.+ Mpe litimbo ya etumba+ ekolongolama. Mpe ye akolobela mpenza bikólo makambo ya kimya;+ mpe boyangeli na ye ekozala banda na mbu tii na mbu mpe banda na Ebale tii na nsuka ya mabele.+
11 “Mpe yo, Ee mwasi, na makila ya kondimana na yo,+ nakotinda bálongola bato na yo ya bolɔkɔ+ na libulu oyo ezali na mai te.
12 “Bózonga na esika makasi ya libateli,+ bino bato ya bolɔkɔ oyo bozali na elikya.+
“Lisusu, nazali koyebisa yo lelo ete: ‘Ee mwasi, nakozongisela yo likabo mbala mibale.+
13 Mpo nakonyata Yuda lokola litimbo na ngai. Nakotondisa litimbo na Efraime, mpe nakolamwisa bana na yo ya mibali,+ Ee Siona, mpo bátɛmɛla bana na yo ya mibali, Ee Grɛsi,+ mpe nakokómisa yo lokola mopanga ya moto ya nguya.’+
14 Mpe likoló na bango Yehova ye moko akomonana,+ mpe likula na ye ekobima mpenza lokola mokalikali.+ Mpe Yehova Nkolo Mokonzi-Oyo-Aleki-Nyonso ye moko akoyula liseke,+ mpe akobima mpenza elongo na mipɛpɛ makasi ya sudi.+
15 Yehova ya mampinga ye moko akobatela bango, mpe bakolya+ mpe bakozala mpenza na bokonzi likoló ya mabanga ya bilingongo. Mpe bakomɛla+ mpenza—bakozala na yikiyiki—lokola nde yango ezalaki vinyo; mpe bakotonda mpenza lokola kibakuli, lokola matumu ya etumbelo.+
16 “Mpe Yehova Nzambe na bango akobikisa mpenza bango+ na mokolo yango lokola etonga ya bato na ye;+ mpo bakozala lokola mabanga ya motole oyo ezali kongɛnga na mabele na ye.+
17 Mpo bolamu na ye ezali monene mpenza+ mpe kitoko na ye ezali mingi mpenza!+ Mbuma ezali eloko oyo ekokolisa bilenge mibali, mpe vinyo ya sika bangɔndɔ.”+
Maloba na nse
^ Mbala mosusu “mokili ya Hadrake” to “mokili ya Damasi.”
^ Ezali mpunda oyo bazalaki kosalela mpo na misala ya ndako.
