Yobo 8:1-22
8 Bongo Biledade Moshua+ ayanolaki mpe alobaki ete:
2 “Okoloba makambo wana tii ntango nini,+Awa maloba ya monɔkɔ na yo ezali se mopɛpɛ makasi ya mpamba?+
3 Nzambe akobulunganisa nde lisambisi,+To Mozwi-ya-Nguya-Nyonso akobulunganisa nde boyengebene?+
4 Soki bana na yo basalelaki ye lisumu,Bongo atiki bango bázwa etumbu ya botomboki na bango,
5 Soki yo moko oluki Nzambe,+Mpe soki obondeli Mozwi-ya-Nguya-Nyonso mpo amonisela yo boboto,
6 Soki ozali pɛto mpe sembo,+Alingaki kolamuka sikoyo mpo na yoAlingaki mpenza kozongisa esika boyengebene na yo efandi.
7 Lisusu, ebandeli na yo ezalaki mbala mosusu eloko moke,Kasi nsuka na yo, na nsima, mbɛlɛ ekokóma monene mpenza.+
8 Ɛɛ, nabondeli yo, tuná libota ya kala,+Mpe tyá likebi na yo na makambo oyo batata na bango bazalaki kolukaluka.+
9 Mpo biso tozali se bato ya lobilobi awa,+ mpe toyebi eloko moko te,Mpo mikolo na biso na mabele ezali elili.+
10 Bango nde bakolakisa yo te, bakoyebisa yo te,Mpe bakobimisa nde maloba na motema na bango te?
11 Lititi babengi papirisi+ ekolaka nde na esika oyo ezangi pɔtɔpɔtɔ?Lititi ya ebale ekolaka nde soki mai ezali te?
12 Naino ebimisi lititi ya sika te, ebukami naino te,Ekokauka kutu liboso ya matiti mosusu nyonso.+
13 Banzela ya baoyo nyonso babosanaka Nzambe ezali bongo,+Mpe elikya ya mopɛngwi ekobeba,+
14 Eloko oyo andimelaka elongolami,Mpe eloko oyo atyelaka motema ezali ndako ya limpulututu.+
15 Akolalela ndako na ye, kasi ekotɛlɛma te;Akosimba yango, kasi ekoumela te.
16 Azali lokola nzete oyo mai etondi na kati, na nse ya moi,Mpe mwa nzete na ye ezali kobima na kati ya elanga na ye.+
17 Na libondo ya mabanga, misisa na ye etonganitongani,Azali kotala ndako ya mabanga.
18 Soki bamɛli ye na esika na ye,+Yango mpe ekowangana ye mpenza na maloba oyo: ‘Namoná yo te.’+
19 Talá! Wana nde kolimwa ya nzela na ye;+Mpe na putulu, mosusu ekobima.
20 Talá! Nzambe abwakaka moto moko te oyo azangi mbeba,Akosimba mpe lobɔkɔ ya basali-mabe te,
21 Kino akotondisa monɔkɔ na yo na kosɛka,Mpe mbɛbu na yo na koganga ya esengo.
22 Baoyo bazali koyina yo bakolata nsɔni,+Mpe hema ya bato mabe ekozala te.”
