Yobo 35:1-16
35 Bongo Elihu akobaki koyanola mpe koloba ete:
2 “Yango nde omoni ete ezali bosembo?Olobi: ‘Boyengebene na ngai eleki ya Nzambe.’+
3 Mpamba te ozali koloba: ‘Yango ezali na ntina nini mpo na yo?+Litomba nini nakozwa oyo eleki ya kosala lisumu?’+
4 Ngai nakoyanola yoNá baninga na yo+ elongo na yo.
5 Talá na likoló+ mpe moná,Mpe talá mapata,+ etombwani mpenza koleka yo.
6 Soki osali mpenza lisumu, eloko nini okosala ye?+Mpe soki botomboki na yo ebakisami, ekosala ye nini?
7 Soki ozali mpenza na elonga, eloko nini okopesa ye,To eloko nini akozwa na lobɔkɔ na yo?+
8 Mabe na yo ekozwa kaka moto lokola yo,+Mpe boyengebene na yo epai ya mwana ya moto ya mabele.+
9 Mpo na ebele ya minyoko, bazali se koganga mpo na kosɛnga lisalisi;+Bazali se kobelela mpo na kosɛnga lisungi mpo na lobɔkɔ ya bato minene.+
10 Kasi ata bongo, moto moko te alobi: ‘Wapi Nzambe Mokeli+ na ngai Monene,Ye oyo apesaka mindule na butu?’+
11 Ye azali Moto oyo ateyaka+ biso koleka banyama ya mabele,+Mpe akómisaka biso na bwanya koleka ata bikelamu oyo epumbwaka na likoló.
12 Kuna, bazali se kobelela ntango nyonso, kasi andimaka te,+Mpo na lolendo+ ya bato mabe.
13 Nzambe ayokaka makambo ya lokuta te,+Mpe Mozwi-ya-Nguya-Nyonso atalaka yango te.+
14 Ekozala boni ntango yo ozali koloba ete ozali komona ye te!+Likambo ya kosamba ezali liboso na ye, bongo osengeli kozela ye na motema lukuluku.+
15 Mpe sikoyo, lokola nkanda na ye esɛngi te ete ozongisa monɔkɔ,+Alandeli te makambo oyo esalemi mpenza kozanga likebi.+
16 Mpe Yobo azali kofungola mpenza monɔkɔ kaka mpamba;Na kozanga boyebi, azali kobakisa maloba mpamba.”+
