Yobo 33:1-33
33 “Nzokande, Ee Yobo, nabondeli yo, yoká maloba na ngai,
Mpe tyá litoi na maloba na ngai nyonso.
2 Talá, nabondeli yo! Nasengeli kofungola monɔkɔ na ngai;Lolemo na ngai ná edáda+ na ngai esengeli koloba.
3 Maloba na ngai nde bosembo ya motema na ngai,+Mpe boyebi nde oyo mbɛbu na ngai ezali koloba na bosembo mpenza.+
4 Elimo ya Nzambe nde esalaki ngai,+Mpe mpema ya Mozwi-ya-Nguya-Nyonso nde epesaki ngai bomoi.+
5 Soki okokoka, zongiselá ngai maloba,Tandá maloba liboso na ngai; omibongisa.
6 Talá! Na miso ya Nzambe ya solo, nazali lokola yo;+Ngai mpe nayemamaki na mabele ya lima.+
7 Talá! Likambo ya nsɔmɔ ata moko te epai na ngai ekobangisa yo,Mbamba+ oyo nazali kotya ekozala kilo te epai na yo.
8 Kasi olobaki na matoi na ngai,Mpe nazalaki koyoka maloba na yo ntango olobaki ete:
9 ‘Nazali pɛto, nabuki mobeko ata moko te;+Nazali pɛɛ, mpe nazali na libunga te.+
10 Talá! Azali kozwa mabaku ya kotɛmɛla ngai,Azali kozwa ngai lokola monguna na ye.+
11 Azali kotya makolo na ngai na bikanga-makolo,+Azali kotalatala banzela na ngai nyonso.’+
12 Talá! Na likambo oyo ozali na elonga te,+ nakoyanola yo;Mpamba te Nzambe aleki moto—mowei mpamba.+
13 Mpo na nini obundi na ye,+Mpo azali koyanola te na maloba na yo nyonso?+
14 Mpo Nzambe alobaka mbala moko,Mpe mbala mibale+—atako moto azali kotyela yango likebi te—
15 Na ndɔtɔ,+ emonaneli+ ya butu,Ntango mpɔngi makasi ekwelaka bato,Na ntango ya kokanga miso likoló ya mbeto.+
16 Ezali na ntango yango nde afungolaka litoi ya bato,+Mpe atyaka elembo na elendiseli oyo apesi bango,
17 Mpo na kosala ete moto atika mosala na ye,+Mpe mpo asilisa lolendo+ ya mobali makasi.
18 Abatelaka molimo na ye ekende na libulu te+Mpe bomoi na ye ebomama na ebundeli ya kobwakela te.+
19 Mpe na mpasi apamelami mpenza na mbeto na ye,Mpe koswana ya mikuwa na ye ezali se kokoba.
20 Mpe, ya solo, bomoi na ye ezali kokómisa mampa eloko ya koyina,+Mpe molimo na ye eyini bilei oyo alingaka mingi.
21 Mosuni na ye ezali se kokɔnda, ezali kolimwa na miso ya bato,Mpe mikuwa na ye, oyo ezalaki komonana te, emonani mpenza polele.
22 Mpe molimo na ye ezali kopusana pene na libulu,+Mpe bomoi na ye na baoyo bapesaka liwa.
23 Soki azali na momemi-nsango moko,Molobeli, moko na kati ya nkóto moko (1 000),Mpo na koyebisa moto bosembo na ye,
24 Boye akomonisela ye boboto mpe akoloba:‘Kotika ye akita na libulu te!+Nazwi lisiko!+
25 Mosuni na ye ekóma ya sika koleka oyo ya bolenge;+Azonga na mikolo oyo azalaki na makasi ya bolenge.’+
26 Akobondela Nzambe mpo asepela na ye,+Mpe akomona elongi na ye na koganga ya esengo,Mpe Nzambe akozongisa boyengebene na Ye epai ya moto—mowei mpamba.
27 Ye akoyembela bato mpe akoloba:‘Nasali lisumu;+ mpe nabebisi makambo ya sembo,Mpe, ya solo, ebongaki nasala bongo te.
28 Asikoli molimo na ngai mpo ekende na libulu te,+Mpe bomoi na ngai ekomona pole.’
29 Talá! Makambo nyonso wana, Nzambe asalaka yango,Mbala mibale, mbala misato, mpo na mobali makasi,
30 Mpo na kozongisa molimo na ye ekende na libulu te,+Mpo angɛngisama na pole ya bato oyo bazali na bomoi.+
31 Tyá likebi, Ee Yobo! Yoká ngai!Fandá nyɛɛ, mpe ngai nakokoba koloba.
32 Soki maloba ya koloba ezali, yanolá ngai;Lobá, mpo nasepeli na boyengebene na yo.
33 Soki ezali te, yo yoká ngai;+Fandá nyɛɛ, mpe ngai nakoteya yo bwanya.”
