Yobo 24:1-25
24 “Mpo na nini bantango etyamá te na Mozwi-ya-Nguya-Nyonso ye moko,+
Mpe mpo na nini baoyo bayebi ye bamoni mikolo na ye te?+
2 Bato mosusu bazongisaka nsima bilembo ya ndelo ya mabele;+Babɔtɔli etonga moko, mpo bábatela yango.
3 Bazwaka ata mpunda mobali ya bana mibali oyo batata bakufá;Bakangaka ngɔmbɛ-mobali ya mwasi oyo mobali akufá lokola ndanga.+
4 Balongolaka babola na nzela;+Mpe na ntango yango, bato ya mpasi na mabele bamibombi.
5 Talá! Lokola bazɛbrɛ+ na kati ya esobeBakei na mosala na bango, koluka biloko ya kolya.Mokili patatalu oyo ekauká ezali kopesa moto na moto mampa mpo na bana na ye ya mibali.
6 Babukaka bilei ya bibwɛlɛ na bilanga,Mpe bapunzaka nokinoki elanga ya vinyo ya moto mabe.
7 Balalaka bolumbu na butu, elamba te,+Mpe eloko ata moko te ya kozipa nzoto mpo na malili.+
8 Bapɔlaka na mbula ya mopɛpɛ makasi ya bangomba,Mpe lokola esika ya kobombana ezali te,+ basengeli kozinga libanga mabɔkɔ.
9 Babɔtɔlaka ata na libɛlɛ mwana mobali oyo tata akufá,+Mpe eloko oyo moto ya mpasi alati, bazwaka yango lokola ndanga.+
10 Basengeli kotambola bolumbu epai na epai, na elamba te,Mpe, na nzala, basengeli komema mitó ya mbuma oyo babuki.+
11 Balekisaka ntango ya midi na katikati ya bifelo oyo esimbaka mikala ya bilanga ya bangomba;Basengeli konyatanyata bikamwelo ya vinyo, ata bongo bazali se na mposa ya mai.+
12 Uta na kati ya engumba, bato oyo bazali pene na liwa bazali kokimela,Mpe molimo ya baoyo bazoki mpota ya liwa ezali kobelela mpo na kosɛnga lisalisi;+Mpe Nzambe ye moko atalelaka yango likambo ya mabe te.+
13 Kasi bango bazalaki kati na bato oyo batombokelaka pole;+Bayebaki banzela na yango te,Mpe bafandaki na babalabala na yango te.
14 Na moi, mobomi-bato atɛlɛmaka,Abomaka moto ya mpasi ná mobola;+Mpe na butu, akómaka moyibi mpenza.+
15 Liso ya moto ya ekobo+ ezelizeli molili ya mpokwa,+Elobi: ‘Liso moko te ekomona ngai!’+Mpe azipi elongi na ye.
16 Na kati ya molili, atɔbɔli bandako;Na moi, bakomikangela mpenza na ndako.Bayebi pole ya moi te.+
17 Mpamba te, mpo na bango, ntɔngɔ ezali lokola molili makasi,+Mpo bayebi ndenge nsɔmɔ ya pwasa ya molili makasi ezalaka.
18 Azalaka mbangu na mai.Eteni na bango ya mabele ekolakelama mabe na mokili.+Akobaluka te epai ya nzela ya bilanga ya vinyo.
19 Eleko ya kokauka, ná molunge, esilisaka mai ya nɛjɛ;Ndenge moko mpe Nkunda* esilisaka baoyo basali masumu!+
20 Libumu ekobosana ye, nkusu ekolya ye na elɛngi,+Akokanisama lisusu te.+Mpe kozanga boyengebene ekobukana lokola nzete.+
21 Alyelaka mwasi ekomba oyo abotaka te,Mpe mwasi oyo mobali akufá,+ asalelaka ye bolamu ata moko te.
22 Mpe ya solo akobenda bato ya makasi na nguya na ye;Akotɛlɛma mpe akoyeba malamumalamu te ndenge bomoi na ye ekozala.
23 Akopesa ye mayoki+ ete akoki komisunga ye moko;Mpe miso na ye ekozala likoló ya banzela na bango.+
24 Batombwani likoló mpo na mwa ntango moke, na nsima bazali lisusu te,+Mpe bakitisami;+ babukani lokola moto nyonso,Mpe bakatami lokola motó ya mbuma.
25 Bongo sikoyo, nani akobimisa ngai moto ya lokutaTo akokómisa liloba na ngai eloko mpamba?”
Maloba na nse
^ To, “Sheole.” Talá Ap 4.
