Yisaya 64:1-12
64 Ee soki opasolaka likoló ata kopasola, soki okitaka na nse,+ soki bangomba eninganaka mpo na yo,+
2 lokola ntango mɔtɔ epelisaka mosɛnzu, mpe mɔtɔ etɔkisaka mai, mpo na koyebisa banguna na yo nkombo na yo,+ mpo bikólo ebulungana mpo na yo!+
3 Ntango osalaki makambo ya nsɔmɔ+ oyo tokokaki kolikya te, okitaki na nse. Bangomba eninganaki mpo na yo.+
4 Mpe banda ntango ya kalakala moto moko te ayoká,+ mpe moto moko te atyá litoi, mpe liso moko te emoná Nzambe mosusu, longola yo,+ oyo azali kosalela moto oyo azali se kozela ye.+
5 Okutani na moto oyo azali na nsai mpe azali kosalela boyengebene,+ baoyo bazali se kokanisa yo na banzela na yo.+
Talá! Yo osilikaki,+ wana tozalaki se kosala masumu+—toumelaki na yango ntango molai, bongo tóbika?+
6 Mpe biso nyonso tokómi lokola moto ya mbindo, mpe misala na biso nyonso ezali lokola elamba ya bileko ya komona sanza;+ mpe biso nyonso tokokauka lokola nkasa,+ mpe mabunga na biso ekomema biso lokola mopɛpɛ.+
7 Mpe moto moko te azali kobelela nkombo na yo,+ moto moko te azali kolamuka mpo na kokangama na yo; mpo obombeli biso elongi na yo,+ mpe ozali konyangwisa+ biso na nguya ya libunga na biso.
8 Mpe sikoyo, Ee Yehova, yo nde Tata na biso.+ Biso tozali mabele ya lima,+ mpe yo nde Moyemi na biso;+ mpe biso nyonso tozali mosala ya lobɔkɔ na yo.+
9 Ee Yehova, koyoka nkanda makasi te,+ mpe kokanisa libunga na biso libela te.+ Talá, sikoyo, tobondeli yo: tozali biso nyonso bato na yo.+
10 Bingumba+ na yo mosantu ekómi esobe. Siona+ ekómi esobe mpenza, Yerusaleme esika moko oyo etikali mpamba.+
11 Ndako na biso ya bosantu mpe ya kitoko,+ epai bankɔkɔ na biso bazalaki kosanzola yo,+ ekómi eloko moko ya kozikisa na mɔtɔ;+ mpe eloko nyonso na biloko na biso ya kitoko+ ekómi libebi.
12 Ee Yehova, liboso ya biloko oyo, okokoba kokanga motema?+ Okotikala nyɛɛ mpe okotika biso tómona mpasi koleka ndelo?+
