Yisaya 23:1-18
23 Liyebisi mpo na Tire:+ Bino bamasuwa ya Tarasisi+ bóganga na kolela! mpo epunzami, ezali libongo lisusu te, ezali esika ya kokɔta lisusu te.+ Bamonisaki bango likambo yango banda na mokili ya Kitime.+
2 Bófanda nyɛɛ. Bino bato oyo bofandi na mokili ya pembeni ya mbu. Bato ya mombongo oyo bauti na Sidone,+ baoyo bakatisaka mai ya mbu—batondisi yo na bozwi.
3 Mpe momboto ya Shihore+ ememami na mai mingi, mbuma oyo babuki na Nile, biloko oyo mosala na ye epesi ye; yango ekómaki litomba ya bikólo.+
4 Ee Sidone,+ zalá na nsɔni; Ee esika makasi ya libateli ya mbu, mpo mbu elobi: “Nazwá mpasi ya kobota te, nabotá te, nabɔkɔlá bilenge mibali mpe te, nakolisá bangɔndɔ te.”+
5 Bato bakozala na mpasi makasi ntango bakoyoka nsango ya Tire,+ ndenge ezalaki ntango bato bayokaki nsango ya Ezipito.+
6 Bókatisa kino na Tarasisi; bóganga na kolela, bino bato oyo bofandi na mokili ya pembeni ya mbu.
7 Oyo nde engumba na bino oyo ezalaki kosepela makasi banda mikolo ya kala, banda bantango na yango ya ebandeli? Makolo na ye ezalaki komema ye mosika mpo akende kofanda mopaya.
8 Nani apesi toli oyo+ mpo na kotɛmɛla Tire, mopesi mitole, ye oyo bato na ye ya mombongo bazalaki bankumu, oyo bato na ye oyo basalaka mombongo bazalaki bato ya lokumu na mabele?+
9 Yehova ya mampinga ye moko nde moto apesi toli yango,+ mpo na kokómisa mpamba lolendo ya kitoko nyonso,+ mpo na kotyola bato nyonso ya lokumu na mabele.+
10 Ee mwana mwasi ya Tarasisi,+ katisá mokili na yo lokola Ebale Nile. Esika ya kosala masuwa ezali lisusu te.+
11 Asemboli lobɔkɔ na ye likoló ya mbu; aningisi makonzi.+ Yehova ye moko apesi mitindo mpo na Fenisia, mpo na kosilisa nyɛɛ bisika makasi ya libateli na yango.+
12 Bongo alobi: “Ee monyokwami, mwana mwasi, ngɔndɔ ya Sidone,+ okosepela makasi ata mokolo moko te.+ Tɛlɛmá, katisá kino na Kitime.+ Ata kuna, okopema te.”
13 Talá! Mokili ya Bakaladea.+ Bango nde bato oyo batongaki yango, kasi Asiri+ te, mpo na bato oyo bafandi na esobe.+ Batɛlɛmisi manɔ́ngi na bango mpo na kobunda;+ babebisi bandako milai na yango nyonso ya kofanda;+ batye yango lokola bitiká oyo ezali kokweakwea.+
14 Bino bamasuwa ya Tarasisi, bóganga na kolela mpo esika makasi ya libateli na bino epunzami.+
15 Mpe na mokolo yango ekosalema mpenza boye: bakobosana mpenza Tire mbula ntuku nsambo (70),+ lokola mikolo ya mokonzi moko. Na nsima ya mbula ntuku nsambo, Tire ekokóma lokola mwasi ya ndumba oyo bayembi na loyembo oyo:
16 “Ee mwasi ya ndumba oyo babosaná,+ zwá nzɛnzɛ, baluká na engumba epai na epai. Bɛtá bansinga na ndenge nyonso oyo okoki; yembá nzembo na yo ebele, mpo bákanisa yo.”
17 Mpe na nsuka ya mbula ntuku nsambo (70) ekosalema mpenza boye: Yehova akotya likebi na ye na Tire, mpe Tire akozonga mpenza na lifuti+ na ye mpe akosala pite na makonzi nyonso ya mabele, bipai nyonso na mabele.+
18 Mpe litomba na ye ná lifuti+ na ye ekokóma mpenza eloko moko mosantu ya Yehova. Ekotyama na esika ya kobomba biloko te, ekobombama mpe te, mpamba te lifuti na ye ekozala ya baoyo bazali kofanda liboso ya Yehova,+ mpo bálya ndenge balingi mpe mpo bálata kitoko.+
