Nzembo 78:1-72
Maskile. Ya Asafe.+
78 Ee bato na ngai, bótya litoi na mobeko na ngai;+Bósembola litoi na maloba ya monɔkɔ na ngai.+
2 Nakofungola monɔkɔ na ngai na liloba ya lisese;+Nakosopa basambole ya kala,+
3 Oyo toyoki mpe toyebi,+Mpe oyo batata na biso bayebisi biso;+
4 Oyo tokobombela bana na bango te,+Tokoyebisa yango libota oyo ekoya,+Masanzoli ya Yehova mpe makasi na ye+Mpe misala na ye ya kokamwa oyo asali.+
5 Mpe abandaki kotɛlɛmisa eloko ya kokanisa na Yakobo,+Mpe atyaki mobeko na Yisraele,+Mitindo oyo apesaki bankɔkɔ na biso,+Mpo na koyebisa yango bana na bango;+
6 Mpo libota oyo ekoya, bana oyo bakobotama, báyeba yango,+Mpo bátɛlɛma mpe báyebisa yango na bana na bango,+
7 Mpe mpo bátyela Nzambe ye moko motema+Mpe bábosana te misala ya Nzambe,+ kasi bátosa mitindo na ye.+
8 Mpe basengeli te kokóma lokola bankɔkɔ na bango,+Libota ya motó makasi mpe ya botomboki,+Libota ya bato oyo babongisaki motema na bango te+Mpe oyo Nzambe atyelaki elimo na bango motema te.+
9 Bana ya Efraime, bato ya litimbo,+ atako bazalaki na bibundeli,Bazongaki nsima na mokolo ya etumba.+
10 Babatelaki kondimana ya Nzambe te,+Mpe baboyaki kotambola na mobeko na ye.+
11 Babandaki mpe kobosana misala na ye+Mpe misala na ye ya kokamwa oyo amonisaki bango.+
12 Asalaki makambo ya kokamwa na miso ya bankɔkɔ na bango+Na mokili ya Ezipito,+ na esobe ya Zoane.+
13 Apasolaki mbu, mpo atika bango bákatisa,+Mpe atɛlɛmisaki mai lokola nduka.+
14 Mpe akobaki kokamba bango na lipata na moi+Mpe na butu mobimba na pole ya mɔtɔ.+
15 Apasolaki mabanga na esobe,+Mpo amɛlisa bango mai mingi lokola mai mozindo.+
16 Mpe azalaki kobimisa mikɛli na libanga+Mpe kokitisa mai lokola bibale.+
17 Mpe bakobaki kosalela ye lisumu koleka lisusu+Na ndenge batombokelaki Oyo-Aleki-Likoló na etúká oyo ezangá mai;+
18 Mpe bamekaki Nzambe na motema na bango+Na ndenge basɛngaki eloko ya kolya mpo na molimo na bango.+
19 Bongo babandaki koloba mabe mpo na Nzambe.+Balobaki ete: “Nzambe akoki kopesa biso bilei na esobe?”+
20 Talá! Ye abɛtaki libanga+Mpo mai etíyola mpe mikɛli esopana.+“Akoki nde kopesa limpa,+To akoki kobongisela bato na ye bilei?”+
21 Yango wana Yehova ayokaki mpe abandaki kosilika makasi;+Mpe mɔtɔ epelelaki Yakobo,+Mpe nkanda emataki lisusu mpo na Yisraele.+
22 Mpo bandimelaki Nzambe te,+Mpe batyelaki lobiko na ye motema te.+
23 Mpe apesaki mitindo na likoló oyo etondi na mapata, kuna na likoló,Mpe afungolaki baporte ya likoló.+
24 Mpe akobaki konɔkisela bango mana mpo bálya,+Mpe apesaki bango mbuma ya likoló.+
25 Bato balyaki mampa ya bato ya nguya;+Atindelaki bango bilei mpe batondaki.+
26 Abandaki kobimisa mopɛpɛ ya ɛsti na likoló+Mpe kopɛpisa mopɛpɛ ya sudi na makasi na ye.+
27 Mpe anɔkiselaki bango bilei lokola putulu,+Ɛɛ bikelamu oyo epumbwaka oyo ezali na mapapu, lokola bambuma ya zɛlo ya mbu.+
28 Mpe akobaki kokweisa yango na katikati ya kaa na ye,+Zingazinga ya batabernakle na ye.+
29 Mpe balyaki mpe batondaki mingi mpenza,+Mpe amemelaki bango eloko oyo bazalaki na mposa na yango.+
30 Bazalaki kaka na mposa ya kolya lisusu,Ata ntango bilei na bango ezalaki naino na monɔkɔ na bango,+
31 Bongo nkɛlɛ ya Nzambe emataki mpo na bango.+Mpe abandaki koboma na kati na bato na bango ya makasi;+Mpe akweisaki bilenge mibali ya Yisraele.
32 Ata nyonso wana, basumukaki lisusu koleka+Mpe bandimaki te misala na ye ya kokamwa.+
33 Bongo asukisaki mikolo na bango lokola mopɛpɛ mpamba,+Mpe bambula na bango na mitungisi.
34 Mbala nyonso oyo azalaki koboma bango, bazalaki lisusu koluka ye,+Mpe bazalaki kozonga mpe bazalaki koluka Nzambe.+
35 Mpe babandaki komikundola ete Nzambe azali Libanga na bango,+Mpe ete Nzambe Oyo-Aleki-Likoló azali Moto oyo azongisaka mabe mpo na bango.+
36 Mpe balukaki kozimbisa ye na monɔkɔ na bango;+Mpe na lolemo na bango balukaki kokosa ye.+
37 Mpe motema na bango ekangamaki na ye te;+Mpe bazalaki sembo te na kondimana na ye.+
38 Kasi azalaki na motema mawa;+ azalaki kozipa libunga+ mpe azalaki koyeisa libebi te.+Mpe mbala mingi, azalaki kozongisa nkanda na ye nsima,+Mpe azalaki kolinga te kolamwisa nkɛlɛ na ye nyonso.
39 Mpe amikundolaki ete bazali kaka bato ya mosuni,+Ete elimo ebimaka mpe ezongaka te.+
40 Mbala boni batombokelaki ye na esobe,+Bayokisaki ye motema mpasi na mokili oyo ekauká!+
41 Mpe mbala na mbala bamekaki Nzambe,+Mpe bayokisaki Mosantu ya Yisraele motema mpasi.+
42 Bakanisaki lobɔkɔ na ye te,+Mokolo oyo asikolaki bango na lobɔkɔ ya monguna,+
43 Ndenge atyaki bilembo na ye na Ezipito+Mpe makamwisi na ye na esobe ya Zoane;+
44 Mpe ndenge akómisaki banzela na bango ya mai ya Nile makila,+Bongo bakokaki te komɛla mai ya mikɛli na bango.+
45 Atindelaki bango mapokopoko, mpo elya bango;+Mpe mbemba, mpo ebebisa bango.+
46 Mpe akabelaki bampɛsɛ mbuma na bango,Mpe mayoyo, mosala na bango ya makasi.+
47 Na mbula ya mabanga,+ abomaki nzete na bango ya vinyoMpe na mbula ya mabanga, banzete na bango ya sikomore.+
48 Mpe akabelaki mbula ya mabanga banyama na bango oyo ememaka mikumba+Mpe fiɛvrɛ makasi, bibwɛlɛ na bango.
49 Atindelaki bango nkanda na ye ya kongala,+Nkɛlɛ ná makaneli ná mpasi,+Bituluku ya baanzelu oyo bazalaki komema likama.+
50 Abongiselaki nkanda na ye nzela.+Apekisaki te ete molimo na bango ekende na liwa;Mpe akabaki bomoi na bango na maladi mabe.+
51 Nsukansuka abomaki bana nyonso ya liboso na Ezipito,+Ebandeli ya nguya na bango ya kobota na kati ya bahema ya Kame.+
52 Na nsima, abimisaki bato na ye lokola etonga,+Mpe atambwisaki bango lokola etonga na esobe.+
53 Mpe akambaki mpe abatelaki bango, mpe bayokaki nsɔmɔ ata moke te;+Mpe mbu ezipaki banguna na bango.+
54 Mpe amemaki bango na teritware na ye mosantu,+Etúká oyo ya ngombangomba oyo lobɔkɔ na ye ya mobali ezwaki.+
55 Mpe nsukansuka, abenganaki bikólo mpo na bango,+Mpe na nsinga ya komeka, apesaki bango libula,+Bongo afandisaki mabota ya Yisraele na bandako na bango.+
56 Mpe bamekaki Nzambe Oyo-Aleki-Likoló mpe batombokelaki ye,+Mpe babatelaki makundoli na ye te.+
57 Bango mpe bazalaki kaka kozonga nsima mpe kosala na bokosi lokola bankɔkɔ na bango;+Babalukaki lokola litimbo oyo nsinga na yango ebendami malamu te.+
58 Mpe bazalaki kaka kosilikisa ye na bisika na bango oyo etombwaná,+Mpe bazalaki kaka koyokisa ye zuwa na bikeko na bango oyo eyemami.+
59 Nzambe ayokaki+ mpe asilikaki makasi,+Bongo amonaki Yisraele eloko mpamba mpenza.+
60 Mpe nsukansuka asundolaki tabernakle ya Shilo,+Hema oyo na kati na yango afandaki elongo na bato ya mabele.+
61 Mpe makasi na ye ekendaki na bokangami+Mpe kitoko na ye na lobɔkɔ ya monguna.+
62 Mpe akabaki bato na ye na mopanga,+Mpe asilikelaki libula na ye makasi.+
63 Mɔtɔ elyaki bilenge na ye ya mibali,Mpe bangɔndɔ na ye basanzolamaki te.+
64 Kasi banganga-nzambe na ye, bakweaki na mopanga,+Mpe basi na bango oyo mibali bakufá balelaki te.+
65 Bongo Yehova abandaki kolamuka lokola nde alalaki mpɔngi,+Lokola moto ya nguya oyo auti na molangwa ya vinyo.+
66 Mpe azalaki kobɛta banguna na ye na nsima;+Apesaki bango nsɔni oyo ekoumela mpo na ntango oyo etyami ndelo te.+
67 Mpe aboyaki hema ya Yozefe;+Mpe aponaki libota ya Efraime te.+
68 Kasi aponaki libota ya Yuda,+Ngomba Siona, oyo alingaki.+
69 Mpe atongaki esika na ye mosantu lokola bisika oyo etombwaná,+Lokola mabele oyo atye moboko mpo na ntango oyo etyami ndelo te.+
70 Bongo aponaki Davidi mosaleli na ye+Mpe azwaki ye na mapango ya etonga ya bampate.+
71 Wana azalaki nsima ya bampate oyo ezali komɛlisa+Amemaki ye mpo azala mobateli ya Yakobo, bato na ye+Mpe ya Yisraele libula na ye.+
72 Mpe abatelaki bango na kolanda ezaleli ya kozanga mbeba ya motema na ye,+Mpe na mayele ya mabɔkɔ na ye akambaki bango.+
