Nzembo 47:1-9
Epai ya mokambi ya nzembo. Ya bana ya Kora. Mondule.
47 Bino nyonso bato ya bikólo, bóbɛta mabɔkɔ.+Bóganga mpo na Nzambe na koganga ya bolongi, na lokito ya koganga ya esengo.+
2 Mpo Yehova, Oyo-Aleki-Likoló, azali nsɔmɔ,+Mokonzi monene na mabele mobimba.+
3 Akotya bato ya bikólo na nse na biso+Mpe bituluku ya bato ya bikólo na nse ya makolo na biso.+
4 Akoponela biso libula na biso,+Lolendo ya Yakobo, oyo ye alingi.+ Sela.
5 Nzambe amati na koganga ya esengo,+Yehova amati na lokito ya liseke.+
6 Bóbɛtɛla Nzambe mondule, bóbɛta mondule.+Bóbɛtɛla Mokonzi na biso mondule, bóbɛta mondule.
7 Mpo Nzambe azali Mokonzi ya mabele mobimba;+Bóbɛta mondule, bósala na bokɛngi.+
8 Nzambe akómi mokonzi ya bikólo.+Nzambe afandi na kiti mosantu ya bokonzi na ye.+
9 Bato ya lokumu na kati ya bato ya bikólo bayangani,+Ná bato ya Nzambe ya Abrahama.+Mpo banguba ya mabele ezali ya Nzambe.+Ye amati na esika ya likoló mingi mpenza.+
