Nzembo 36:1-12
Epai ya mokambi ya nzembo. Ya mosaleli ya Yehova, Davidi.
36 Liloba ya kobuka mibeko ezali na kati ya motema ya moto mabe;+Nsɔmɔ ya Nzambe ezali liboso ya miso na ye te.+
2 Lokola azali komibondela mingi na miso na ye moko+Azali komona libunga na ye te mpo ayina yango.+
3 Maloba ya monɔkɔ na ye ezali makambo oyo eyokisaka mpasi mpe ezali bokosi;+Atiki kozala na mayele ya kososola mpo na kosala malamu.+
4 Na mbeto na ye, azali ntango nyonso kokana kosala makambo oyo eyokisaka mpasi.+Atɛlɛmaka na nzela oyo ezali malamu te.+Aboyaka te oyo ezali mabe.+
5 Ee Yehova, motema boboto na yo ezali na likoló;+Bosembo na yo ezali tii na mapata.+
6 Boyengebene na yo ezali lokola bangomba ya Nzambe;+Ekateli na yo ya lisambisi ezali mai mozindo ya monene.+Ee Yehova, obikisaka moto ná nyama.+
7 Ee Nzambe, motema boboto na yo ezali mpenza kitoko!+Mpe bana ya bato bazali kokima na elili ya mapapu na yo.+
8 Bazali komɛla mpe kotonda mafuta ya ndako na yo;+Mpe ozali komɛlisa bango mai ya mikɛli ya bisengo na yo.+
9 Mpo liziba ya bomoi ezali epai na yo;+Na pole oyo ezali kouta epai na yo, tokoki komona pole.+
10 Kobá komonisela baoyo bayebi yo motema boboto na yo,+Mpe boyengebene na yo, baoyo bazali na motema sembo.+
11 Ee lokolo ya lolendo eyela ngai te;+Lobɔkɔ ya bato mabe ekómisa ngai moto ya koyengayenga te.+
12 Kuna bato oyo basalaka makambo oyo eyokisaka mpasi bakwei;+Bakweisami mpe bakoki kotɛlɛma te.+
