Nzembo 34:1-22
Ya Davidi, na ntango oyo akosaki ete azali na ligboma+ liboso ya Abimeleke, bongo Abimeleke abenganaki ye, mpe akendaki.
א [ʼAlef]
34 Nakopambola Yehova ntango nyonso;+Ntango nyonso lisanzoli na ye ekozala na monɔkɔ na ngai.+
ב [Bet]
2 Molimo na ngai ekomikumisa na Yehova;+Bato ya komikitisa bakoyoka mpe bakosepela.+
ג [Gimel]
3 Ee bókumisa Yehova elongo na ngai,+Mpe tótombola nkombo na ye elongo.+
ד [Dalet]
4 Natunaki Yehova, mpe ayanolaki ngai,+Mpe abikisaki ngai na makambo nyonso oyo ezalaki kopesa ngai nsɔmɔ.+
ה [Heʼ]
5 Batalaki ye mpe bakómaki na esengo,+Mpe bilongi na bango ekokaki koyoka nsɔni ata moke te.+
ז [Zayin]
6 Moto oyo ya mpasi abelelaki, mpe Yehova ye moko ayokaki.+Mpe Ye abikisaki ye na bampasi na ye nyonso.+
ח [Het]
7 Anzelu ya Yehova atɛlɛmaka penepene* na baoyo babangaka ye,+Mpe abikisaka bango.+
ט [Tet]
8 Bómeka mpe bómona ete Yehova azali malamu;+Esengo na mobali makasi oyo azali kokima epai na ye.+
י [Yod]
9 Bóbanga Yehova, bino basantu na ye,+Mpo baoyo babangaka ye bazangaka eloko te.+
כ [Kaf]
10 Bana-nkɔsi oyo nkingo etondi na nsuki bazangaka mpe eloko mpe bayokaka nzala;+Kasi baoyo balukaka Yehova, bakozanga eloko ya malamu te.+
ל [Lamed]
11 Bóya, bino bana, bóyoka ngai;+Nakoteya bino kobanga Yehova.+
מ [Mem]
12 Nani moto oyo azali kosepela na bomoi,+Oyo alingi koumela mikolo mingi mpo na komona oyo ezali malamu?+
נ [Nun]
13 Batelá lolemo na yo eloba makambo ya mabe te,+Mpe mbɛbu na yo eloba makambo ya bokosi te.+
ס [Samek]
14 Tiká oyo ezali mabe, mpe salá oyo ezali malamu;+Luká kozwa kimya, mpe landá yango.+
ע [ʽAyin]
15 Miso ya Yehova ezali epai ya bayengebene,+Mpe matoi na ye ezali koyoka kolela na bango mpo na kosɛnga lisalisi.+
פ [Peʼ]
16 Elongi ya Yehova ezali kotɛmɛla baoyo basalaka oyo ezali mabe,+Mpo na kolongola nkombo na bango na mabele.+
צ [Tsade]
17 Bagangaki, mpe Yehova ye moko ayokaki,+Mpe abikisaki bango na bampasi na bango nyonso.+
ק [Kof]
18 Yehova azali pene na baoyo motema ebukani;+Mpe abikisaka baoyo elimo etutami.+
ר [Resh]
19 Bampasi ya moyengebene ezali mingi,+Kasi Yehova abikisaka ye na yango nyonso.+
ש [Shin]
20 Azali kobatela mikuwa nyonso ya moto yango;Moko na yango ebukani te.+
ת [Taw]
21 Likama ekoboma moto mabe;+Mpe bato oyo bazali koyina moyengebene bakomema ngambo.+
22 Yehova asikolaka molimo ya basaleli na ye;+Mpe moko te kati na baoyo bazali kokima epai na ye akomema ngambo.+
Maloba na nse
^ Lil., “Atyaka kaa zingazinga.”
