Nzembo 31:1-24
Epai ya mokambi ya nzembo. Mondule ya Davidi.
31 Ee Yehova, nakimi epai na yo.+Ee nayoka nsɔni ata moke te.+Na boyengebene na yo, bikisá ngai.+
2 Sembolelá ngai litoi na yo.+Bikisá ngai nokinoki.+Zalá esika makasi ya libateli na ngai oyo ezali ya mabanga,+Ndako ya bisika ya makasi ya libateli mpo na kobikisa ngai.+
3 Mpo ozali libanga na ngai mpe esika makasi ya libateli na ngai;+Mpo na nkombo na yo+ okokamba ngai mpe okotambwisa ngai.+
4 Okobimisa ngai na monyama oyo babombeli ngai,+Mpo yo ozali ndako na ngai ya makasi.+
5 Natiki elimo na ngai na lobɔkɔ na yo.+Osikoli ngai,+ Ee Yehova Nzambe ya solo.+
6 Nayinaka mpenza baoyo batyaka motema na bikeko ya mpamba, oyo ezangi ntina;+Kasi ngai natyelaka mpenza Yehova motema.+
7 Nakozala na esengo mpe nakosepela na motema boboto na yo,+Mpo omoni mpasi na ngai;+Oyebi bampasi ya molimo na ngai,+
8 Mpe okabi ngai na lobɔkɔ ya monguna te.+Otɛlɛmisi makolo na ngai na esika moko monene.+
9 Ee Yehova, moniselá ngai boboto mpo makambo eyeli ngai ndongo.+Liso na ngai elɛmbi na mpasi,+ molimo na ngai ná libumu na ngai.+
10 Mpo bomoi na ngai ekómi na nsuka na mawa,+Ná bambula na ngai na kati ya kokimela.+Mpo na libunga na ngai nguya na ngai ebɛti libaku,+Mpe mikuwa na ngai mpenza elɛmbi.+
11 Nakómi eloko ya nsɔni+ na miso ya baoyo nyonso bazali banguna na ngai,+Mpe nakómi eloko ya nsɔni mingi koleka na miso ya bato oyo bafandi penepene na ngai,+Mpe eloko ya nsɔmɔ na miso ya bato oyo bayebani na ngai.+Ntango bamoni ngai na libándá bakimi ngai.+
12 Babosani ngai lokola moto oyo akufi mpe alongwe na motema;+Nakómi lokola mbɛki oyo ebebi;+
13 Mpo nayoki nsango ya mabe na bato mingi,+Nsɔmɔ ezali bipai nyonso.+Ntango bazali koyangana lokola moto moko mpo na kotɛmɛla ngai,+Bazali kokana kolongola molimo na ngai.+
14 Kasi ngai—natyeli yo motema, Ee Yehova.+Nalobi ete: “Yo ozali Nzambe na ngai.”+
15 Bantango na ngai ezali na lobɔkɔ na yo.+Bikisá ngai na lobɔkɔ ya banguna na ngai mpe na baoyo bazali kolanda ngai.+
16 Ngɛngiselá mosaleli na yo elongi na yo.+Bikisá ngai na motema boboto na yo.+
17 Ee Yehova, nayoka nsɔni te, mpo nabeleli yo.+Bato mabe báyoka nsɔni;+Báfanda nyɛɛ na kati ya Nkunda.*+
18 Mbɛbu ya lokuta ezanga likambo ya koloba,+Oyo ezali kolobela moyengebene mabe,+ na lolendo mpe na kotyola kozanga komipekisa.+
19 Bolamu na yo oyo obombeli baoyo bazali kobanga yo+ ezali mingi mpenza!+Oyo osaleli baoyo bazali kokima epai na yo,Na miso ya bana ya bato.+
20 Okobomba bango na esika ya nkuku liboso na yo+Mosika na liyangani ya bato.+Okobomba bango na mwa ndako na yo ya matiti mosika na koswana ya ndemo.+
21 Yehova apambolama,+Mpo amoniseli ngai motema boboto ya kokamwa+ na engumba oyo ezali na kati ya motungisi.+
22 Kasi ngai, ntango nakómaki na nsɔmɔ+ nalobaki ete:“Nakosila mpenza kosila liboso ya miso na yo.”+Ya solo oyoki mongongo ya malɔmbɔ na ngai ntango nalelelaki yo mpo na kosɛnga lisalisi.+
23 Ee bino nyonso bato na ye ya sembo, bólinga Yehova.+Yehova azali kobatela bato ya sembo,+Kasi azali kofuta mingi koleka moto nyonso oyo azali na lolendo.+
24 Bózala na mpiko, mpe motema na bino ezala makasi,+Bino nyonso baoyo bozali kozela Yehova.+
Maloba na nse
^ To, “Sheole.” Talá Ap 4.
