Nzembo 17:1-15
Libondeli ya Davidi.
17 Yoká likambo ya boyengebene, Ee Yehova; tyá likebi na kosɛngasɛnga na ngai ya kolela;+Tyá litoi na libondeli na ngai oyo ebimi na mbɛbu oyo ezangi bokosi.+
2 Tiká lisambisi na ngai euta na yo;+Tiká miso na yo etala bosembo.+
3 Omeki motema na ngai, otalitali ngai na butu,+Opɛtoli ngai; okomona ete nakani kosala mabe te.+Monɔkɔ na ngai ekobuka mobeko te.+
4 Kasi misala ya bato,Na liloba ya mbɛbu na yo ngai nakimi banzela ya moyibi.+
5 Tiká makolo na ngai ekangama na banzela na yo,+Oyo kati na yango makolo na ngai ekotengatenga ata moke te.+
6 Ee Nzambe, ngai nakobelela yo, mpamba te okoyanola ngai.+Sembolelá ngai litoi na yo. Yoká liloba na ngai.+
7 Kómisá misala na yo ya motema boboto misala ya kokamwa,+ Ee Mobikisi ya baoyo bazali koluka esika ya kokimaBato oyo bazali kotombokela lobɔkɔ na yo ya mobali.+
8 Batelá ngai lokola mbuma ya liso,+Bombá ngai na elili ya mapapu na yo,+
9 Mpo na bato mabe oyo bapunzi ngai.Banguna ya molimo na ngai bazali kaka kozinga ngai.+
10 Bakómisi mitema na bango makasi;*+Na monɔkɔ na bango balobi na lolendo;+
11 Sikoyo bazingi makolo na biso;+Bazali kotya miso na bango mpo na kokweisa biso na mabele.+
12 Ye akokani na nkɔsi oyo ezali na mposa makasi ya kopasolapasola+Mpe na mwana-nkɔsi oyo afandi na bisika ya kobombana.
13 Tɛlɛmá, Ee Yehova; tɛmɛlá ye na elongi;+Salá ete agumbama; na mopanga na yo bikisá molimo na ngai liboso ya moto mabe,+
14 Liboso ya bato, na lobɔkɔ na yo, Ee Yehova,+Liboso ya bato ya ntango oyo,+ baoyo likabo na bango ezali na bomoi oyo,+Mpe baoyo otondisi libumu na bango na bomɛngo na yo oyo ebombani,+Baoyo batondi na bana+Mpe baoyo bazali kobombela bana na bango biloko na bango oyo etikali.+
15 Ngai nakotala elongi na yo+ na boyengebene;Nakotonda ntango nakolamuka mpo na komona lolenge na yo.+
Maloba na nse
^ Lil., “Bamizingi na mafuta na bango.”
