Nzembo 137:1-9
137 Pene ya bibale ya Babilone+—tofandaki kuna.+Mpe tolelaki ntango tokanisaki Siona.+
2 Na banzete ya arava+ oyo ezalaki kunaTokakisaki banzɛnzɛ na biso.+
3 Mpo kuna, baoyo bakangaki biso basɛngaki biso maloba ya loyembo,+Mpe baoyo bazalaki kosɛka biso basɛngaki biso loyembo ya kosepelisa bango+ mpe balobaki ete:“Bóyembela biso loyembo moko ya Siona.”+
4 Ndenge nini tóyemba loyembo ya Yehova+Na mabele ya bapaya?+
5 Ee Yerusaleme, soki nabosani yo,+Lobɔkɔ na ngai ya mobali ebosana mosala.
6 Lolemo na ngai ekangama na edáda na ngai,+Soki nakanisi yo te,+Soki natomboli Yerusaleme teKoleka eloko ya liboso oyo esepelisaka ngai.+
7 Ee Yehova, kanisá+ bana ya Edome,+ na mokolo ya Yerusaleme,+Baoyo bazalaki koloba: “Bóbuka yango! Bóbuka yango tii na moboko na yango!”+
8 Ee mwana mwasi ya Babilone, oyo asengeli kopunzama,+Esengo na ye oyo akopesa yo lifuti+Oyo ebongi na ndenge oyo yo osalaki biso.+
9 Esengo na ye oyo akokanga mpe akobukabuka+Bana na yo likoló ya libanga.
