Nzembo 120:1-7
Loyembo ya ntango ya komata.
120 Na mpasi na ngai nabengaki Yehova,+Mpe ayanolaki ngai.+
2 Ee Yehova, bikisá molimo na ngai na mbɛbu ya lokuta,+Na lolemo ya bokosi.+
3 Eloko nini bakopesa yo, mpe eloko nini bakobakisela yo,Ee yo lolemo ya bokosi?+
4 Makula ya moto ya nguya oyo esebisami,+Ná makala ya banzete ya letama oyo ezali kopela.+
5 Mawa na ngai, mpo nafandi mopaya na Mesheke!+Natye hema na ngai esika moko na bahema ya Kedare.+
6 Mpo molimo na ngai efandi ntango molai mingi+Esika moko na bayini ya kimya.+
7 Nazali mpo na kimya;+ kasi ntango nazali koloba,Bango bazali mpo na etumba.+