Nzembo 105:1-45
105 Bópesa Yehova matɔndi, bóbelela nkombo na ye,+Bóyebisa misala na ye na kati ya bato ya bikólo.+
2 Bóyembela ye, bóbɛtɛla ye mondule,+Bótya likebi na misala na ye nyonso ya kokamwa.+
3 Bómikumisa na nkombo na ye mosantu.+Motema ya baoyo bazali koluka Yehova esepela.+
4 Bóluka Yehova mpe makasi na ye.+Bóluka elongi na ye ntango nyonso.+
5 Bókanisa lisusu misala ya kokamwa oyo ye asalá,+Makamwisi na ye mpe bikateli ya lisambisi ya monɔkɔ na ye,+
6 Ee bino momboto ya Abrahama mosaleli na ye,+Bino bana ya Yakobo, baoyo ye aponá.+
7 Ye azali Yehova Nzambe na biso.+Bikateli na ye ya lisambisi ezali na mabele mobimba.+
8 Akanisi lisusu kondimana na ye mpo na ntango oyo etyami ndelo te,+Liloba oyo apesaki mitindo, mpo na mabota nkóto (1 000),+
9 Kondimana oyo asalaki ná Abrahama,+Mpe liloba na ye ya ndai epai ya Yisaka,+
10 Mpe abatelaki liloba yango mpo ezala lilako ya Yakobo,Mpo ezala kondimana oyo ekoumela mpo na ntango oyo etyami ndelo te na Yisraele,+
11 Alobi: “Nakopesa yo mokili ya Kanana+Mpo ezala libula oyo bapesi yo.”+
12 Yango esalemaki ntango bazalaki kaka bato moke,+Ɛɛ, moke mpenza, mpe bazalaki bato oyo bafandi bapaya kuna.+
13 Mpe bazalaki kotambolatambola longwa na ekólo oyo tii na ekólo mosusu,+Longwa na bokonzi oyo tii na bato ya ekólo mosusu.+
14 Apesaki moto moko te nzela apunza bango,+Kasi apamelaki bakonzi mpo na bango,+
15 Alobaki: “Bósimba te bato na ngai oyo batyami mafuta,+Mpe bósala basakoli na ngai eloko moko te ya mabe.”+
16 Mpe abengaki nzala eyela mokili yango;+Abukaki lingenda nyonso oyo bakakisaki mampa oyo esalemi lokola lopɛtɛ.+
17 Atindaki moto moko liboso na bango:Yozefe, oyo atɛkamaki moombo.+
18 Bamonisaki makolo na ye mpasi na bikangeli,+Molimo na ye ekɔtaki na bibende;+
19 Kino ntango liloba na ye eyaki,+Liloba mpenza ya Yehova epɛtolaki ye.+
20 Mokonzi atindaki liloba bábimisa ye,+Moyangeli ya bato ya bikólo, mpo afungola ye.
21 Atyaki ye nkolo ya bato ya ndako na ye+Mpe moyangeli ya biloko na ye nyonso,+
22 Mpo na kokanga bankumu na ye ndenge molimo na ye elingi+Mpe mpo ateya mikóló na ye bwanya.+
23 Mpe Yisraele ayaki na Ezipito,+Mpe Yakobo ye moko afandaki mopaya na mokili ya Kame.+
24 Mpe azalaki se kosala ete bato na ye bábota mingi,+Mpe nsukansuka akómisaki bango makasi koleka banguna na bango.+
25 Atikaki motema na bango ebongwana mpo báyina bato na ye,+Mpo básalela basaleli na ye makambo na mayele mabe.+
26 Atindaki Moize mosaleli na ye,+Arona oyo ye aponaki.+
27 Balakisaki bango bilembo na ye,+Mpe makamwisi na mokili ya Kame.+
28 Atindaki molili mpe ayindisaki;+Mpe baboyaki te kotosa maloba na ye.+
29 Akómisaki mai na bango makila,+Mpe abomaki mbisi na bango.+
30 Mokili na bango etondaki na mbemba,+Na bashambrɛ ya kati ya bakonzi na bango.
31 Alobaki ete mapokopoko ekɔta,+Ngungi na bateritware na bango nyonso.+
32 Akómisaki mbula na bango ya makasi mbula ya mabanga,+Mɔtɔ oyo ezali kopela na mokili na bango.+
33 Mpe abebisaki banzete na bango ya vinyo mpe banzete na bango ya figiMpe abukaki banzete ya teritware na bango.+
34 Alobaki ete mayoyo ekɔta,+Lolenge moko ya mayoyo, ɛɛ ekokaki kotángama te.+
35 Mpe elyaki milona nyonso na mokili na bango;+Elyaki mpe mbuma ya mabele na bango.
36 Mpe abomaki mwana nyonso ya liboso na mokili na bango,+Ebandeli ya nguya na bango nyonso ya kobota.+
37 Mpe abimisaki bango na palata mpe na wolo;+Mpe na kati ya mabota na ye moto moko te azalaki kobɛta libaku.
38 Ezipito esepelaki ntango babimaki,Mpo nsɔmɔ na bango ekwelaki bango.+
39 Atandaki lipata lokola elamba ya kozipa,+Mpe mɔtɔ mpo epesaka pole na butu.+
40 Basɛngaki, mpe ayaki na bandɛkɛ na nkombo kayɛ,+Mpe azalaki kotondisa bango na limpa oyo eutaki na likoló.+
41 Afungolaki libanga, mpe mai ebandaki kotíyola;+Yango elekaki lokola ebale na bitúká oyo ezangá mai.+
42 Mpo akanisaki liloba na ye mosantu oyo alobaki na Abrahama mosaleli na ye.+
43 Bongo abimisaki bato na ye na nsai mpenza,+Bato oyo ye aponá na koganga ya esengo.+
44 Mpe nsukansuka, apesaki bango mikili ya bikólo,+Mpe bazalaki se kozwa mbuma ya mosala makasi ya bituluku ya bato ya bikólo,+
45 Mpo bábatela malako na ye+Mpe bátosa mibeko na ye.+Bósanzola Yah!+
