2 Bakorinti 5:1-21
5 Mpo toyebi ete soki ndako na biso ya mabele,+ hema oyo,+ ebebi,+ tokozwa mpenza ndako oyo euti na Nzambe, ndako oyo esalemi na mabɔkɔ te,+ oyo ezali ya seko+ na likoló.
2 Mpo na kati ya ndako oyo ya kofanda, tozali mpenza kokimela,+ tozali na mposa makasi ya kolata oyo ya biso moko ya likoló,+
3 mpo, nsima ya kolata yango mpenza, tózwama bolumbu te.+
4 Ɛɛ, biso baoyo tozali na kati ya hema oyo tozali kokimela, mpo tomoni mpasi; mpo eloko oyo biso tolingi, ezali te kolongola yango, kasi nde kolata mosusu wana,+ mpo bomoi emɛla eloko oyo ekufaka.+
5 Nzokande moto oyo abongisaki biso mpo na likambo yango mpenza ezali Nzambe,+ oyo apesaki biso ndanga+ ya eloko oyo ezali koya, elingi koloba, elimo.+
6 Na yango, tozali ntango nyonso na mpiko mpenza mpe toyebi ete, ntango nyonso tozali na kati ya nzoto, tozali mosika na Nkolo,+
7 mpo tozali kotambola na kondima, kasi na komona te.+
8 Kasi tozali na mpiko mpenza mpe tozali kosepela mingi kozala mosika na nzoto mpe kofanda elongo na Nkolo.+
9 Yango wana tozali mpe kosala makasi ete, ezala tofandi esika moko na ye to tozali mosika na ye,+ tóndimama na ye.+
10 Mpo biso nyonso tosengeli komonisama polele liboso ya kiti ya kosambisa ya Kristo,+ mpo moto na moto azwa oyo ebongi na ye mpo na makambo oyo esalemaki na nzoto, na kotalela makambo oyo azalaki kosala, ezala ya malamu to ya mabe.+
11 Na yango, lokola toyebi ntina ya kobanga+ Nkolo, tozali kokoba kondimisa+ bato, kasi tomonani polele na miso ya Nzambe. Nzokande, nazali na elikya ete tomonani mpe polele na lisosoli na bino.+
12 Tozali komilobela lisusu+ epai na bino te, kasi tozali nde kopesa bino libaku ya komikumisa mpo na biso,+ mpo bózwa eyano ya kopesa baoyo bazali komikumisa mpo na oyo ezali komonana libándá+ kasi mpo na motema te.+
13 Mpo soki tobɛlaki motó,+ ezalaki mpo na Nzambe; soki tozali bato ya makanisi malamu,+ ezali mpo na bino.
14 Mpo bolingo oyo Kristo azali na yango ememisi biso mokumba, mpo oyo tomoni yango oyo: ete moto moko akufelaki bato nyonso;+ bongo, na ndenge yango, bato nyonso bakufaki;
15 mpe akufelaki bato nyonso mpo baoyo bazali na bomoi bázala na bomoi mpo na bango moko lisusu te,+ kasi mpo na moto+ oyo akufelaki bango mpe alamwisamaki.+
16 Yango wana, banda sikoyo, toyebi moto moko te na ndenge ya mosuni.+ Ata soki toyebaki Kristo na ndenge ya mosuni,+ ya solo mpenza sikoyo toyebi ye lisusu bongo te.+
17 Na yango, soki moto azali na bomoko elongo na Kristo, azali ekelamu ya sika;+ biloko ya kala eleki,+ talá! biloko ya sika esalemi.+
18 Kasi biloko nyonso euti na Nzambe, oyo azongisaki biso na boyokani+ elongo na ye moko na nzela ya Kristo mpe apesaki biso mosala+ ya kozongisa na boyokani,
19 elingi koloba, ete Nzambe na nzela ya Kristo+ azalaki kozongisa mokili na boyokani+ ná ye moko,+ atángelaki bango mabunga na bango te,+ mpe apesaki biso liloba+ ya kozongisa na boyokani.+
20 Na yango, biso+ tozali bantoma*+ na esika ya Kristo,+ lokola nde Nzambe azali kobondelabondela na nzela na biso.+ Na esika ya Kristo, tozali kobondela ete:+ “Bózonga na boyokani elongo na Nzambe.”
21 Moto oyo ayebaki lisumu te,+ akómisaki ye lisumu+ mpo na biso, mpo tókóma boyengebene ya Nzambe+ na nzela na ye.
Maloba na nse
^ To, “baambasadɛrɛ.” Mosali oyo mokonzi atindi mpo na komonisa ye na mboka mopaya.
