1 Yoane 5:1-21
5 Moto nyonso oyo azali kondima ete Yesu azali Kristo abotami na Nzambe,+ mpe moto nyonso oyo azali kolinga oyo asalaki ete kobotama yango ezala azali kolinga moto oyo abotami na oyo wana.+
2 Na likambo oyo nde tozali koyeba ete tolingaka+ bana ya Nzambe,+ ntango tozali kolinga Nzambe mpe kosalela mibeko na ye.+
3 Mpo bolingo+ ya Nzambe elakisi boye: ete tótosaka mibeko na ye;+ kutu mibeko na ye ezali kilo te,+
4 mpo eloko nyonso oyo ebotami+ na Nzambe elongaka mokili.+ Mpe bolongi+ oyo elongi+ mokili yango oyo: kondima+ na biso.
5 Nani moto alongi+ mokili+ soki te moto oyo andimaka+ ete Yesu azali Mwana ya Nzambe?+
6 Ezali ye, Yesu Kristo, nde moto ayaki na lisalisi ya mai mpe ya makila; na mai kaka te,+ kasi na mai mpe na makila.+ Mpe elimo+ nde eloko oyo ezali kopesa litatoli, mpo elimo ezali solo.
7 Mpo biloko misato ezali kopesa litatoli:
8 elimo+ ná mai+ ná makila,+ mpe yango nyonso misato ezali na boyokani.+
9 Soki tozali koyamba litatoli oyo bato bapesaka,+ litatoli oyo Nzambe apesaka eleki, mpo litatoli oyo Nzambe azali kopesa yango oyo: likambo oyo ete atatoli+ mpo na Mwana na ye.
10 Moto oyo azali kondimela Mwana ya Nzambe azwi litatoli+ mpo na ye moko. Moto oyo azali kondimela Nzambe te akómisi ye moto ya lokuta,+ mpo andimi te litatoli oyo epesami,+ oyo Nzambe, oyo azali motatoli,+ apesi mpo na Mwana na ye.
11 Mpe litatoli oyo epesami yango oyo: ete Nzambe apesi biso bomoi ya seko,+ mpe bomoi yango ezali na kati ya Mwana na ye.+
12 Moto oyo azali na Mwana azali na bomoi yango; moto oyo azali na Mwana ya Nzambe te azali na bomoi yango te.+
13 Nakomeli bino makambo wana mpo bóyeba ete bozali na bomoi ya seko,+ bino baoyo bondimelaka nkombo ya Mwana ya Nzambe.+
14 Mpe kotya motema oyo totyelaka ye+ yango oyo: ete, ezala eloko nini biso tokosɛnga na boyokani na mokano na ye, akoyoka biso.+
15 Lisusu, soki toyebi ete akoyoka biso mpo na eloko nyonso oyo tozali kosɛnga,+ toyebi ete tokozwa biloko yango oyo esɛngami mpamba te tosɛngi ye yango.+
16 Soki moto amoni ndeko na ye azali kosala lisumu moko oyo ememaka na liwa te,+ akosɛnga, mpe akopesa ye bomoi,+ ɛɛ, na baoyo bazali kosala lisumu na ndenge oyo ezali komema na liwa te.+ Ezali na lisumu oyo ememaka na liwa. Ezali mpo na lisumu wana nde nazali te koyebisa ye ete asɛnga.+
17 Makambo nyonso ya kozanga boyengebene ezali lisumu;+ mpe atako bongo ezali na lisumu oyo ememaka na liwa te.
18 Toyebi ete moto nyonso oyo abotami na Nzambe+ asalaka lisumu te, kasi Oyo+ abotami na Nzambe akɛngɛlaka ye, mpe moto mabe asimbaka ye te.+
19 Toyebi ete touti na Nzambe,+ kasi mokili mobimba ezali kolala na nguya ya moto mabe.+
20 Kasi toyebi ete Mwana ya Nzambe ayei,+ mpe apesi biso mayele+ mpo tóyeba moto ya solosolo.+ Mpe tozali na bomoko+ elongo na moto wana ya solosolo, na nzela ya Mwana na ye Yesu Kristo. Wana nde Nzambe ya solo+ mpe bomoi ya seko.+
21 Bana, bókeba na bikeko.+
