1 Petro 1:1-25
1 Petro, ntoma+ ya Yesu Kristo, epai ya bato oyo bafandi mpo na ntango mokuse,+ oyo bapalangani+ na Ponti, Galatia, Kapadosi,+ Azia, mpe Bitinia; mpe epai ya bato oyo baponami+
2 na kolanda boyebi oyo Nzambe Tata azali na yango ya koyeba makambo liboso,+ baoyo basantisami na elimo,+ mpo bázala bato ya botosi mpe oyo bamwangisami+ makila ya Yesu Kristo:+
Boboto monene mpe kimya mingi ezala na bino.+
3 Nzambe mpe Tata ya Nkolo na biso Yesu Kristo apambwama,+ mpo na motema mawa na ye monene abotaki biso lisusu+ mpo na elikya ya bomoi+ na nzela ya lisekwa+ ya Yesu Kristo uta na bakufi,
4 mpo na libula oyo ekoki kopɔla te, oyo ezali na mbindo te mpe oyo enzulukaka te.+ Ebombami mpo na bino na likoló,+
5 bino baoyo nguya ya Nzambe ezali kobatela bino na nzela ya kondima+ mpo na lobiko+ oyo etikali moke emonisama+ na ntango ya nsuka.+
6 Mpo na yango bozali kosepela mingi, atako sikoyo, esengeli bóyoka mawa na komekama ndenge na ndenge mpo na mwa ntango moke,+
7 mpo kondima na bino oyo emekami,+ oyo ezali na motuya monene koleka wolo oyo ebebaka atako emekami na mɔtɔ,+ esala ete bózwa longonya, nkembo ná lokumu ntango Yesu Kristo akomonana.+
8 Atako bomoná ye te, bozali kolinga ye.+ Atako bozali komona ye te sikoyo, bozali kondimela ye mpe bozali na esengo mingi ya koloba te mpe ya monene mpenza,
9 mpo bozali kozwa mbuma ya kondima na bino, lobiko ya milimo na bino.+
10 Mpo na lobiko yango, basakoli oyo basakolaki+ mpo na boboto monene oyo ekanamaki mpo na bino+ batunatunaki na molende mpe balukalukaki mpenza.+
11 Bazalaki kolukaluka koyeba eleko nini mpenza+ to na eleko ya ndenge nini makambo oyo elimo+ oyo ezalaki na kati na bango ezalaki kolakisa mpo na Kristo+ ekokoka. Ezalaki kotatola libelalibela bampasi ya Kristo+ mpe nkembo+ oyo esengelaki koya nsima na yango.
12 Bamonisaki bango ete ezali mpo na bango te,+ kasi mpo na bino nde bazalaki kosala makambo oyo ezali kosakolama+ sikoyo epai na bino na nzela ya baoyo basakwelaki bino nsango malamu na nzela ya elimo santu+ oyo etindamaki uta na likoló. Makambo wana nde baanzelu bazalaka na mposa ya kotalatala.+
13 Yango wana bóbongisa makanisi na bino mpo na mosala,+ bóbatela makanisi na bino mobimba;+ bótya elikya na bino na boboto monene+ oyo bokozwa ntango Yesu Kristo akomonana.+
14 Lokola bana ya botosi, bótika kolanda+ bamposa oyo bozalaki na yango kala ntango bozalaki na boyebi te,
15 kasi, na boyokani na Mosantu oyo abengaki bino, bino mpe bókóma basantu na etamboli na bino mobimba,+
16 mpo ekomamá ete: “Bosengeli kozala basantu, mpamba te ngai nazali mosantu.”+
17 Lisusu, soki bozali kobelela Tata oyo aponaka bilongi te ntango asambisaka+ na kolanda mosala ya moto na moto, bómitambwisa na kobanga+ na ntango oyo bofandi bapaya.+
18 Mpo boyebi ete ezalaki te na biloko oyo epɔlaka,+ na palata to na wolo, nde bosikolamaki+ na etamboli na bino oyo ebotaka mbuma te oyo bozwaki na mimeseno oyo eutaki na bankɔkɔ na bino.
19 Kasi ezalaki nde na makila moko ya motuya,+ lokola oyo ya mwana-mpate ezangi mbeba mpe ezangi litɔnɔ,+ ɛɛ oyo ya Kristo.+
20 Ya solo, ayebaná kala mpenza liboso ya ebandeli+ ya mokili, kasi amonisamaki polele na nsuka ya bantango mpo na bino+
21 baoyo na nzela na ye bozali bato oyo bandimaka Nzambe,+ oyo alamwisaki ye uta na bakufi+ mpe apesaki ye nkembo;+ mpo kondima na bino mpe elikya na bino ezala epai ya Nzambe.+
22 Sikoyo lokola bopɛtoli+ milimo na bino na ndenge bozali kotosa solo mpe yango eboti bolingo ya bondeko oyo ezali na bokosi te,+ bólinganaka makasi na motema moko.+
23 Mpo kobotama oyo bobotami lisusu,+ ezali te na nzela ya momboto oyo epɔlaka,+ kasi nde na nzela ya oyo+ ekoki kopɔla te,+ na nzela ya liloba+ ya Nzambe ya bomoi mpe ya libela.+
24 Mpo “bato nyonso bazali lokola matiti, mpe nkembo na yango mobimba ezali lokola fololo ya matiti;+ matiti ekaukaka, mpe fololo ekweaka,+
25 kasi liloba ya Yehova ezali koumela libela na libela.”+ Ɛɛ, “liloba”+ yango nde nsango malamu oyo basakweli+ bino.
