Biyano na mituna ya Biblia
Tokoki koyeba solo na ntina na Nzambe?
Mpo na nini Nzambe alingi tóyeba solo? Tángá Yoane 17:3
Nzambe asololaki na bato. Asalelaki elimo santu na ye to nguya oyo asalelaka misala mpo na kotya makanisi na ye na mitó ya bato oyo bakomaki Biblia. (2 Petro 1:20, 21) Tokoki koyeba solo na ntina na Nzambe soki tozali kotánga Biblia.—Tángá Yoane 17:17; 2 Timote 3:16.
Nzambe amonisi makambo mingi etali ye na Biblia. Amonisi ntina oyo akelaki bato, nini akosalela bango mpe bizaleli oyo alingi tózala na yango. (Misala 17:24-27) Yehova Nzambe alingi tóyeba solo etali ye.—Tángá 1 Timote 2:3, 4.
Mpo na nini Nzambe ayambaka baoyo balingaka solo?
Yehova azali Nzambe ya solo mpe atindaki Mwana na ye, Yesu mpo na koteya bato solo. Yango wana, bato oyo balingaka solo bayaka epai ya Yesu. (Yoane 18:37) Nzambe alingaka bato oyo basambelaka ye bázala bongo.—Tángá Yoane 4:23, 24.
Mateya ya lokuta oyo Satana Zabolo apalanganisi na ntina etali Nzambe epekisi bato mingi báyeba Nzambe. (2 Bakorinti 4:3, 4) Bato oyo balingaka makambo ya malamu te babendamaka na mateya wana ya lokuta. (Baroma 1:25) Kasi, koyekola Biblia esalisi bamilio ya bato ya mitema sembo báyeba solo na ntina na Nzambe.—Tángá Misala 17:11.
Talá mpe...
OLINGI KOYEBA BISO?
Mpo na nini koyekola Biblia?—Mobimba na yango
Biblia epesi biyano na mituna minene oyo etali bomoi oyo bamilio ya bato na mokili mobimba bamitunaka. Okosepela kozala moko ya bato yango?
LINƆ́NGI YA MOSƐNZƐLI
Nzambe azali na bizaleli nini?
Wapi bizaleli ya Nzambe oyo eleki bizaleli na ye mosusu?
