Awˬ lawn awˬ tanˇ hk'a gaˬ hteˇ lehˍ k'ai tuˬ

Leuˆ yuˬ g'a ve teˇ hpaˍ cawˬ taˍ ve liꞈ mehˆ hpfuhˇ nyiˇ k'oˆ teˇ k'oˆ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Laˇhuˍ hkawˇ

Yehˬ k’a Hk’aw Ha lehˬ dawˇ sha tuˬ Aˬ htoꞈ ma Loˍ ve le

Yehˬ k’a Hk’aw Ha lehˬ dawˇ sha tuˬ Aˬ htoꞈ ma Loˍ ve le

Nawˬ hk’aˬ hk’e dawˇ ve le . . .

  • haꞈ pehnˇ ve loˍ ve laˇ

  • hpu shi loˍ ve laˇ

  • awˬ kaˍ awˬ nu awˬ ceuˬ loˍ ve laˇ

 LIꞈ HPU HK’AW K’Oˆ VE AWˬ CEUˬ

“Awˬ tehˬ awˬ na awˬ bon uiˍ ve chaw teˇ hpaˍ lehˬ, G’uiˬ sha ve tawˇ hkawˇ htaꞈ na yuˬ leh te k’ai ve chaw hui yoˬ.” (Luˉkaꞈ 11:28)

NAWˬ AWˬ PON Aˬ HTOꞈ MA TCUHˉ KUIˬ CAWˬ VE LE

Awˬ tehˬ awˬ na haꞈ daꞈ ve yoˬ. (Eˇfeˇsuꞈ 5:28, 29)

Nyi ma awˬ tawˬ hk’a gaˬ yawˆ yan daꞈ ve yoˬ. (Eˇfeˇsuꞈ 5:33)

Awˬ tehˬ awˬ na yeˬ ve yoˬ. (Maˍkuˆ 10:6-9)

 LIꞈ HPU HK’AW K’Oˆ VE HTAꞈ YONˍ G’A TEHˬ TEHˬ VE LAˇ

Yonˍ g’a ve yoˬ. Awˬ lawn k’o . . .

  • G’uiˬ sha lehˬ yehˬ k’a htaꞈ tanˬ shehˍ hpaˇ hpehꞈ ve yoˬ. Liꞈ hpu hk’aw k’oˆ taˍ ve, Yaˬhoˉvaˬ lehˬ teˇ yehˬ k’a le le ve “Awˬ pa hpehꞈ ve yoˬ”. (Eˇfeˇsuꞈ 3:14, 15) Awˬ pa hpehꞈ ve tehꞈ k’oˆ ve lehˬ, Yaˬhoˉvaˬ te hpanˍ taˍ ve htaꞈ pa taw yehˬ k’a cawˬ la ve yoˬ. Aˬ htoꞈ ma pa taw tcuhˉ kuiˬ chi a yeˇ uiˍ ve le.

    Dawˇ nyi sheˍ. Nawˬ awˍ chiˇ g’a caˇ leh mehˬ ve k’o, awˬ chiˇ te ve awˬ hk’aˇ nawˬ a shu htaꞈ ca na nyi tuˬ le. Awˍ chiˇ te shehˍ hpaˇ htaꞈ na nyi cawˇ ve maˇ heˆ laˇ.

    Chi hk’a shuˍ, yehˬ k’a hk’aw ha lehˬ dawˇ sha gaˇ ve k’o, yehˬ k’a htaꞈ tanˬ shehˍ hpaˇ Yaˬhoˉvaˬ htaꞈ ca na nyi ve lehˬ daꞈ ve yoˬ. (Awˬ hkuiˉ puiˍ 2:18-24)

  • G’uiˬ sha nawˬ awˬ pon dawˇ nyi puiˉ ve yoˬ. Yaˬhoˉvaˬ ve tawˇ hkawˇ awˬ hk’aw lo beˆ maˍ laˇ hkawˇ htaꞈ g’aꞈ ca ve yehˬ k’a lehˬ cuˇ yiˍ cawˬ ve yoˬ. Aˬ htoꞈ ma pa taw le. Awˬ lawn k’o, “G’uiˬ sha nawˬ hui awˬ pon dawˇ nyi puiˉ ve pa taw” yoˬ. (1 Peˍtruˆ 5:6, 7) Ngaˬ hui awˬ pon dawˇ nyi puiˉ ve Yaˬhoˉvaˬ beˆ maˍ laˇ hkawˇ htaꞈ hk’aˬ htaˆ kaꞈ yehˇ g’a ve yoˬ. (Tawˇ naˉ ve 3:5, 6; Iˉsaˍyaˆ 48:17, 18)

 DAWˇ NYI CAWˇ VE NA NYI HKAWˇ

Nawˬ daꞈ ve awˬ hpawˇ awˬ miˇ ma, maˇ heˆ leh daꞈ ve awˬ pa awˬ e hk’aˬ hk’e hpehꞈ g’a tuˬ ve le.

Na nyi hkawˇ chi ve htaꞈ Liꞈ hpu EˇFEˇSUꞈ liꞈ 5:1, 2 leh KAWˇLAWˇSEHˇ liꞈ 3:18-21 awˬ hk’aw lo hk’awꞈ laˇ taˍ ve yoˬ.