Awˬ lawn awˬ tanˇ hk'a gaˬ hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Select language Laˇhuˍ hkawˇ

Tuꞈ hkanˍ dawˇ haˍ ve Peuˬ k’ai tuˬ Awˬ nyi Cawˬ-aw laˇ

Tuꞈ hkanˍ dawˇ haˍ ve Peuˬ k’ai tuˬ Awˬ nyi Cawˬ-aw laˇ

Nawˬ hk’aˬ hk’e dawˇ ve le . . .

  • cawˬ tuˬ laˇ

  • maˇ cawˬ laˇ

  • cawˬ tuˬ yoˬ hehˉ laˇ

 LIꞈ HPU HK’AW K’Oˆ VE AWˬ CEUˬ

G’uiˬ sha lehˬ, “yawˇ hui ve mehˆ g’uiˬ hk’a peu-eˬ htaꞈ shiˆ baˬ piˇ tuˬ yoˬ. Suh ve teˇ ceuˬ maˇ k’awꞈ cawˬ. Dawˇ haˍ ve, paˆ hawˬ ve, naˬ ve, awˬ ceuˬ chi teˇ hpaˍ htawˇ maˇ k’awꞈ cawˬ.” (Hpeuꞈ maˍ ve 21:3, 4)

NAWˬ AWˬ PON Aˬ HTOꞈ MA TCUHˉ KUIˬ CAWˬ VE LE

Ngaˬ hui g’a hpuˇ chehˇ ve hpehꞈ haˍ ve  awˬ ceuˬ G’uiˬ sha geh laˬ ve maˇ heˆ tehꞈ shiˍ tcuh laˇ ve yoˬ. (Yaˍkoˆ 1:13)

Ngaˬ hui tuꞈ hkanˍ htaˇ, G’uiˬ sha ha k’aˉ laˇ ve yoˬ tehꞈ g’a shiˍ ve pa taw nyi ma sha ve yoˬ. (Zaˍhkaˍriˆ 2:8)

Tuꞈ hkanˍ ve peuˬ k’ai tuˬ dawˇ law kuiˬ cawˬ ve yoˬ. (Chiˇ mvuh ve 37:9-11)

 LIꞈ HPU HK’AW K’Oˆ VE HTAꞈ YONˍ G’A TEHˬ TEHˬ VE LAˇ

Yonˍ g’a ve yoˬ. Awˬ lawn k’o . . .

  • G’uiˬ sha lehˬ tuꞈ hkanˍ ve leh maˇ hteˇ maˇ cawˇ ve htaꞈ canˇ ve yoˬ. Liꞈ hpu awˬ co-e awˬ hk’aw lo Yaˬhoˉvaˬ ve chaw hui lehˬ fawˉ mehˍ ve htaꞈ g’a hkanˍ htaˇ, yawˇ hk’aˬ hk’e dawˇ ve le tehꞈ dawˇ nyi sheˍ. Liꞈ hpu hk’aw k’oˆ ve, yawˇ hui “fawˉ ve mehˍ ve leh tuꞈ ve hkanˍ ve htaꞈ g’a hkanˍ” ve pa taw yawˇ nyi ma naˬ ve yoˬ. (Suhˉ jehˬ ve 2:18)

    Shu htaꞈ luˬ tuˬ sheˆ tuˬ te piˇ ve chaw lehˬ G’uiˬ sha ve nyi ma htaꞈ naˬ tuˬ te piˇ ve yoˬ. Tawˇ pa haˉ te k’o, Liꞈ hpu hk’aw k’oˆ ve, “teꞈ chiˉ venˇ baˆ maˇ cawˬ ve chaw htaꞈ tiˇ pehˍ ve laꞈ sheh” htaꞈ G’uiˬ sha canˇ leh nyi maˇ hpehꞈ ve awˬ ceuˬ hpehꞈ ve yoˬ. (Tawˇ naˉ ve 6:16, 17)

  • G’uiˬ sha lehˬ ngaˬ hui teˇ g’aˇ leh teˇ g’aˇ htaꞈ dawˇ nyi puiˉ ve yoˬ. Chaw yaˇ teˇ g’aˇ leh teˇ g’aˇ yawˇ “hk’aˬ ma dawˇ haˍ chehˇ ve” htaꞈ yawˇ hk’aˇ yawˇ ceh tiˉ shiˍ ve maˇ heˆ. Yaꞈ hk’aˇ Yaˬhoˉvaˬ htawˇ shiˍ taˍ ve yoˬ. (2 Raˍsaˍvanˍ 6:29, 30; Chiˇ mvuh ve 56:8)

Maˇ maw k’o, Yaˬhoˉvaˬ yawˇ ve mvuhˇ miˬ htaꞈ cuˇ leh chaw yaˇ g’a tuꞈ g’a hkanˍ ve hk’a peu-eˬ htaꞈ peuˬ k’ai piˇ tuˬ yoˬ. (Maꞈhtehˍ 6:9, 10) Awˬ yanˇ oˇ ve gaˬ la tuˬ law chehˇ ve awˬ yanˇ awˬ hk’aw lo, nyi ma awˬ tawˬ hk’a gaˬ yawˇ htaꞈ g’aꞈ ca ve chaw awˬ tehˬ awˬ na nyi ma sha tuˬ te piˇ chehˇ ve yoˬ. (Tcuh yaˇ 17:27; 2 Kawˇrenˍhtuˆ 1:3, 4)

 DAWˇ NYI CAWˇ VE NA NYI HKAWˇ

Aˬ htoꞈ ma pa taw tuꞈ hkanˍ ve maˇ cawˬ tuˬ G’uiˬ sha maˇ tawˍ taˍ ve le.

Na nyi hkawˇ chi ve htaꞈ Liꞈ hpu ROˉMAꞈ liꞈ 5:12 leh 2 PEˍTRUˆ liꞈ 3:9 awˬ hk’aw lo hk’awꞈ laˇ taˍ ve yoˬ.