Awˬ lawn awˬ tanˇ hk'a gaˬ hteˇ lehˍ k'ai tuˬ

Leuˆ yuˬ g'a ve teˇ hpaˍ cawˬ taˍ ve liꞈ mehˆ hpfuhˇ nyiˇ k'oˆ teˇ k'oˆ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Laˇhuˍ hkawˇ

Miˬ guiˬ lehˬ A shu ve Kanˇ paˆ Awˬ hawˉ lo Chehˇ taˍ ve le

Miˬ guiˬ lehˬ A shu ve Kanˇ paˆ Awˬ hawˉ lo Chehˇ taˍ ve le

Nawˬ hk’aˬ hk’e dawˇ ve le . . .

  • G’uiˬ sha ve kanˇ paˆ laˇ

  • chaw yaˇ ve kanˇ paˆ laˇ

  • awˬ kaˍ awˬ nu ve kanˇ paˆ laˇ

 LIꞈ HPU HK’AW K’Oˆ VE AWˬ CEUˬ

“Miˬ guiˬ hk’a peu-eˬ lehˬ haiˬ ve awˬ shehˍ hpaˇ ve kanˇ paˆ awˬ hawˉ lo chehˇ taˍ ve” yoˬ. (1 Yoˇhanˬ 5:19)

“Neˇ haiˬ ve kanˉ teˇ hpaˍ htaꞈ te luˬ tuˬ, G’uiˬ sha ve Yaˇ hpu tawˆ la ve yoˬ.” (1 Yoˇhanˬ 3:8)

NAWˬ AWˬ PON Aˬ HTOꞈ MA TCUHˉ KUIˬ CAWˬ VE LE

Aˬ htoꞈ ma pa taw, miˬ guiˬ shoꞈ shaꞈ chehˇ ve le tehꞈ na g’a ve yoˬ. (Hpeuꞈ maˍ ve 12:12)

Ngaˬ hui ve miˬ guiˬ daꞈ la tuˬ yonˍ kuiˬ cawˬ ve yoˬ. (1 Yoˇhanˬ 2:17)

 LIꞈ HPU HK’AW K’Oˆ VE HTAꞈ YONˍ G’A TEHˬ TEHˬ VE LAˇ

Yonˍ g’a ve yoˬ. Awˬ lawn k’o . . .

  • Saˍtanˍ ve kanˇ paˆ leh la paˇ neˇ ve yoˬ. Yaˬhoˉvaˬ lehˬ, chaw yaˇ htaꞈ Saˍtanˍ ve kanˇ paˆ awˬ hawˉ lo maˇ k’awꞈ chehˇ tcuh ve yoˬ. Yawˇ ka tiꞈ te taˍ ve, “neˇ haiˬ htaꞈ te luˬ” tuˬ leh, miˬ guiˬ hk’oˆ neˇ haiˬ te taˍ ve luˬ ve sheˆ ve hk’a peu-eˬ ve htaꞈ k’awꞈ gu tuˬ ve yoˬ. (Heˍbrehˇ 2:14)

  • G’uiˬ sha lehˬ miˬ guiˬ ve uˉ peunˍ shehˍ hpaˇ Yeˍsuˆ Hkriꞈ htaꞈ leuˆ teh taˍ ve yoˬ. Chi beuꞈ teˇ co-e, miˬ guiˬ chi ve htaꞈ haiˬ ve uˉ peunˍ shehˍ hpaˇ htaꞈ Yeˍsuˆ peun daꞈ jaˇ ve yoˬ. Yeˍsuˆ uˉ peunˍ ve htaꞈ k’oˆ ve teˇ yanˇ G’uiˬ sha ka tiꞈ te taˍ ve, “G’aˇ nuˇ shaˉ nuˇ ve chaw leh haˍ g’awˇ ve chaw hui htaꞈ yawˇ ha k’aˉ piˇ leh,” “shu fawˉ mehˍ ve htaꞈ g’a hkanˍ chehˇ ve chaw hui htaꞈ yawˇ ponˬ piˇ ve yoˬ.” (Chiˇ mvuh ve 72:13, 14)

  • G’uiˬ sha lehˬ heˍ maˇ hpehꞈ. Liꞈ hpu hk’aw hteˇ lehˍ k’oˆ taˍ ve, “G’uiˬ sha lehˬ heˍ maˇ hpehꞈ.” (Heˍbrehˇ 6:18) Yaˬhoˉvaˬ teˇ ceuˬ ceuˬ te tuˬ yoˬ tehꞈ ka tiꞈ te taˍ ve teˇ yanˇ, oˇ ve teˇ ceuˬ biˇ la peuˬ ve htaꞈ shuˍ ve yoˬ. (Iˉsaˍyaˆ 55:10, 11) “Miˬ guiˬ chi htaꞈ uˉ peunˍ shehˍ hpaˇ htaꞈ chi beuꞈ kaꞈ g’aꞈ k’oˬ tuˬ yoˬ.” (Yoˇhanˬ 12:31)

 DAWˇ NYI CAWˇ VE NA NYI HKAWˇ

Miˬ guiˬ chi ve uˉ peunˍ shehˍ hpaˇ htaꞈ g’aꞈ k’oˬ peuˬ hk’awꞈ nawˉ, miˬ guiˬ chi hk’aˬ hk’e hpehꞈ la tuˬ le.

Na nyi hkawˇ chi ve htaꞈ Liꞈ hpu CHIˇ MVUH VE liꞈ 37:10, 11 leh HPEUꞈ MAˍ VE liꞈ 21:3, 4 awˬ hk’aw lo hk’awꞈ laˇ taˍ ve yoˬ.