Awˬ lawn awˬ tanˇ hk'a gaˬ hteˇ lehˍ k'ai tuˬ

Awˬ hk'aˇ lonˉ maˬ teˇ hpaˍ cawˬ taˍ ve liꞈ mehˆ hpfuhˇ lo hteˇ lehˍ k'ai tuˬ

Yaˬhoˉvaˬ ve Shaˉhkiˆhkanˍ ve Chaw

Select language Laˇhuˍ hkawˇ

Uˉ peunˍ ve Kawˍmiˍtiˍ geh laˬ ve liꞈ

Uˉ peunˍ ve Kawˍmiˍtiˍ geh laˬ ve liꞈ

‘Nawˬ hui shu htaꞈ maˍ piˇ shehˍ hpaˇ hpehꞈ cawˇ ve yoˬ.’ (Heˍ 5:12) Dawˇ nyi sheˍ. Mvuhˇ naw ma miˬ naˆ ma hk’oˆ Yaˬhoˉvaˬ lehˬ cheuˬ jaˇ ve saˍ laꞈ lonˉ hpehꞈ ve yoˬ. Yawˇ ve awˬ lawn shu htaꞈ maˍ tuˬ yawˇ ngaˬ hui htaꞈ kuˬ laˇ ve yoˬ! Yehˬ k’a hk’aw maˇ k’oˆ, Hkriꞈ yaˇ awˬ moˍ hk’aw maˇ k’oˆ, hto toˇ kuiˬ lo maˇ k’oˆ, Yaˬhoˉvaˬ ve awˬ lawn shu htaꞈ maˍ piˇ ve lehˬ awˬ hpfuhˇ hk’aˆ jaˇ leh a yeˇ uiˍ ve awˬ vuiˬ hpehꞈ ve yoˬ. Ngaˬ hui hk’aˬ hk’e te g’a tuˬ le?

Tcuh yaˇ Pawˇluꞈ ve tawˇ hkawˇ htaꞈ dawˇ nyi sheˍ. Yawˇ Tiˆmoˉseˍ htaꞈ k’oˆ piˇ ve, “shu htaꞈ Liꞈ hpu g’aw maˍ piˇ ve, awˬ g’aˇ piˇ ve leh maˍ piˇ ve teˇ hpaˍ htaꞈ coˇ caˇ leh te chehˇ taˍ-oꞈ. . . . Nawˬ chi hk’e te ve k’o, nawˬ awˬ to htaꞈ maˇ k’oˆ, nawˬ ve hkawˇ htaꞈ g’a kaˇ ve chaw teˇ hpaˍ htaꞈ maˇ k’oˆ, nawˬ htaiˍ hk’awꞈ piˇ tuˬ yoˬ.” (1 Tiˆ 4:13, 16) Nawˬ hto toˇ ve awˬ lawn shu ve a shaꞈ htaꞈ ponˬ piˇ g’a ve yoˬ. Chi htaꞈ pa taw, nawˬ g’aw ve leh maˍ ve htaꞈ daꞈ la tcuh cawˇ ve yoˬ. Liꞈ chi teˇ k’oˆ nawˬ htaꞈ ga laˇ tuˬ yoˬ. Chi teˇ hpaˍ htaꞈ dawˇ nyi sheˍ.

Liꞈ mehˆ hpfuhˇ teˇ maˬ le le Liꞈ hpu teˇ tawn cawˬ taˍ ve yoˬ. Chi lehˬ Liꞈ hpu hk’aw awˬ liˇ awˬ hk’aˇ maˇ heˆ leh tawˇ pa haˉ hpehꞈ leh henˇ tuˬ ve awˬ lawn oˇ ve htaꞈ caˉ daꞈ ve yoˬ.

Yaˬhoˉvaˬ “nawˬ hui htaꞈ maˍ laˇ tuˬ yoˬ.” (Isy 30:20) Nawˬ g’aw leh maˍ puiˉ tuˬ liꞈ chi teˇ k’oˆ ga laˇ ve htawˇ, ngaˬ hui hto toˇ ve awˬ lawn lehˬ Yaˬhoˉvaˬ geh laˬ leh yawˇ shu htaꞈ g’awˬ veu laˇ ve yoˬ tehꞈ taˇ leunˇ piˇ. (Yoˇ 6:44) Chi htaꞈ pa taw, daꞈ kehˬ ve awˬ ha hpu hk’aˬ htaˆ kaꞈ lawˬ sheˍ. G’uiˬ sha ve tawˇ hkawˇ hk’a dehꞈ yehˇ sheˍ. Yaˬhoˉvaˬ htaꞈ chiˇ mvuh leh a shu yawˇ awˬ to htaꞈ a yeˇ yuˬ tuˬ taˇ te. Na taˍ ve chaw Yaˬhoˉvaˬ htaꞈ nyi ma awˬ tawˬ hk’a gaˬ haꞈ tuˬ dawˇ law taˍ sheˍ.

Chaw yaˇ awˬ pon a yeˇ uiˍ ve awˬ lawn hto maˍ piˇ tuˬ, Yaˬhoˉvaˬ nawˬ htaꞈ kuˬ laˇ ve yoˬ. Nawˬ “G’uiˬ sha peꞈ laˇ ve awˬ g’aˇ awˬ shaˉ htaꞈ cuˇ” ve k’o, nawˬ te g’a ve yoˬ tehꞈ ngaˬ hui hk’a dehꞈ yonˍ ve yoˬ.—1 Peˍ 4:11.

Nawˬ geh teˇ geh liꞈ maˍ chehˇ ve chaw,

Yaˬhoˉvaˬ ve Shaˉhkiˆhkanˍ ve chaw ve Uˉ peunˍ ve Kawˍmiˍtiˍ